गृहमंत्री देवेंद्र फडणवीस यांच्या होम सिटीत पासपोर्ट पडताळणीसाठी पोलीसच लाच घेतात तेव्हा…

एसीबीच्या माहितीनुसार, तक्रारदार हुडकेश्वर पोलीस ठाणे परिसरात राहतो. त्याने पारपत्र पडताळणीसाठी अर्ज केला होता. त्यासाठी पोलीस पडताळणीची गरज असते. त्यामुळे तक्रारकर्ता हुडकेश्वर पोलीस ठाण्यात गेला. येथे त्याला पारपत्र पडताळणीची प्रक्रिया करून संबंधित विभागाला पाठवण्यासाठी दोन हजार रुपयांची लाच मागण्यात आली. तक्रारदाराला लाच द्यायची नसल्याने त्याने थेट एसीबी कार्यालयाकडे तक्रार दिली. एसीबीच्या सूचनेनुसार सापळा रचण्यात आला. त्यानुसार दोन हजार रुपयांची लाच घेताना दोन्ही आरोपींना हुडकेश्वर पोलीस ठाण्यातच रंगेहात पकडण्यात आला.

हेही वाचा : माघ मासातील स्नान महात्म्य; काय आहे पुराणातील सार जाणून घ्या

दोन्ही आरोपी हुडकेश्वर पोलीस ठाण्यात गुप्तचर विभागात कार्यरत होते. दरम्यान नागपूरकर असलेले देवेंद्र फडणवीस यांच्याकडे सध्या उपमुख्यमंत्री व गृहमंत्री पदाची जबाबदारी आहे. त्यामुळे भविष्यात या पद्धतीचे प्रकरण थांबवण्यासाठी फडणवीस व त्यांचे गृह खाते काय कारवाई करणार याकडे संपूर्ण नागपूरकरांचे लक्ष लागले आहे.