नागपूर विद्यापीठाच्या दोन गटातील वाद आणि ३० कोटींच्या वसुलीच्या आरोपाचा काय संबंध आहे?

ज्यामध्ये प्रत्येक पदावर नियुक्तीसाठी ५० ते ८० लाख रुपयांची मागणी केली जात होती. या पदभरतीमधून अधिकाधिक उत्पन्न कमावण्याच्या उद्देशाने दोन गटांमध्ये वाद सुरू असल्याचीही चर्चा रंगत आहे. विद्यापीठातील प्राध्यापकांच्या नियुक्तीसाठी कोणाची निवड करायची आहे, या पदासाठी पात्र असलेल्या लोकांशी संपर्क साधण्यासाठी दलाल मोठ्या प्रमाणावर सक्रिय आहेत.

हेही वाचा : ‘एमपीएससी’च्या १८ आणि २५ ऑगस्टच्या परीक्षा पुढे ढकलण्यावर आयोगाच्या सचिव काय म्हणाल्या?

सूत्रांनी दिलेल्या माहितीनुसार, काही महिन्यांपूर्वी नियुक्तीचा दर ५० लाख रुपये होता, तो आता स्पर्धेमुळे ८० लाख रुपये झाला आहे. एका पक्षाने आपली यादीही तयार केली असून, त्यात काही नावांसाठी आरक्षणही टाकण्यात आले आहे. म्हणजेच, जे संबंधित पदावर नियुक्तीसाठी आर्थिक अटी पूर्ण करत आहेत.

निलंबित कुलगुरू डॉ. सुभाष चौधरी यांच्यातील वादाचे खरे कारणही हेच होते. सूत्रांनी दिलेल्या माहितीनुसार, त्यांना एक यादीही देण्यात आली होती, ज्यामध्ये मोठ्या प्रमाणावर आर्थिक व्यवहार करून ९२ पदांवर नियुक्त्या करण्यात येणार असल्याचे सांगण्यात आले होते.

हेही वाचा : नागपूर: आजारांच्या साथी, मात्र शासकीय डॉक्टर संपावर, रुग्ण वाऱ्यावर; खासगी डॉक्टरही…

काही उमेदवारांनी ॲडव्हान्सही दिला

काही उमेदवारांनी दिलेल्या माहितीनुसार एका गटाचे प्रमुख त्यांना भेटले. त्यांनी विद्यापीठामध्ये नोकरी मिळवून देण्याची हमी दिली आहे. यासाठी ७० लाख रुपयांची मागणी केल्याचा आरोप केला आहे. तर काही उमेदवारांनी आगाऊ रक्कमही दिल्याची माहिती आहे. त्यामुळे वाद पेटल्याचा आरोप होत आहे.

दोन गट काय म्हणतात?

भाजप आमदार प्रवीण दटके, राज्यपाल नामनिर्देशित व्यवस्थापन परिषद सदस्य समय बन्सोड, भाजप संघटन मंत्री विष्णू चांगदे, भाजयुमोच्या महामंत्री शिवानी दाणी या सगळ्यांनी निलंबित कुलगुरू डॉ. सुभाष चौधरींविरुद्ध खोटी माहिती पसरवून विद्यापीठाची बदमामी केल्याप्रकरणी त्यांच्यावर गुन्हा दाखल करावा, अशी मागणी डॉ. कल्पना पांडे यांनी पत्रकार परिषदेतून केली. यानंतर आता दटके, चांदगे, बन्सोड आणि दाणी यांनी निवेदनातून पांडे यांच्यावर पलटवार केला आहे. ‘एमकेसीएल’चा पूर्वेतिहास माहिती नसलेल्या व्यक्तीने अचानक डॉ. चौधरी व ‘एमकेसीएल’ची बाजू मांडणे संशयास्पद असल्याचा आरोप केला आहे.