बिबट्याच्या पिल्लांनाही आवडला उसाचा मळा, शेवटी मादी बिबट त्यांना येऊन घेऊन गेली

कराड तालुक्यातील मौजे हिंगनोळे येथील शेतकरी विद्या माने यांच्या शेतात उसाची तोड सुरू होती. त्याचवेळी दुपारी एक वाजताच्या सुमारास बिबट्याची दोन पिल्ले त्याठिकाणी सापडली. वनपाल सागर कुंभार यांना माहिती मिळाल्यानंतर तातडीने ते घटनास्थळी पोहोचले व पिल्लांना ताब्यात घेतले. ही नवजात पिल्ले होती आणि अजून त्यांचे डोळेही उघडायचे होते. त्यामुळे मादी बिबट जवळच असणार हे ओळखून कराड येथील वाईल्डलाईफ रेस्क्यूअर्सच्या चमुला पाचारण करण्यात आले. मादी बिबट आणि तिच्या पिल्लांचे पुनर्मिलन घडवून आणण्यासाठी वनपरिक्षेत्र अधिकारी तुषार नवले यांनी पुढाकार घेतला. सायंकाळी साडेपाच वाजता त्यासाठीची व्यवस्था करुन दोन्ही पिल्लांना एका बास्केटमध्ये ठेवण्यात आले. ज्याठिकाणी ते सापडले होते, त्याचठिकाणी त्यांना ठेवून त्याठिकाणी कॅमेरा ट्रॅप लावण्यात आले. सायंकाळी साडेसात वाजताच्या सुमारास मादी बिबट आली आणि एका पिल्लाला अलगदपणे उचलून ती निघाली. त्याला सुरक्षित ठिकाणी ठेवून पुन्हा दुसऱ्या पिल्लासाठी ती साडेआठच्या सुमारास त्याठिकाणी आली व त्यालाही सुरक्षितपणे घेऊन गेली.

आणखी वाचा

लसूण महागला, परराज्यातील लसणाची आवक कमी

१६ नोव्हेंबर पंचांग: कृतिका नक्षत्रात मेषला शुभ दिवस,…

आई मुलीच्या नात्याची ‘पैठणी’

मुंबई: राष्ट्रीय उद्यानातील वाघ, बिबट्या पालकांच्या प्रतीक्षेत

सावंतवाडी: सह्याद्रीच्या पट्ट्यात घोटगेवाडी येथे दुर्मिळ उडता सोनसर्प आढळला

बुंदी रायता नेहमीच खाता, यावेळी ट्राय करा काकडी रायता; पटकन वाचा साहित्य आणि कृती

‘नशीब प्रत्येक वेळी साथ देत नाही…’ हरणाची शिकार करण्यासाठी बिबट्या वेगाने धावला; पण पुढे जे घडलं… VIDEO पाहून चुकेल काळजाचा ठोका

Video : सिद्धू मूसेवालाच्या आठ महिन्यांच्या भावाचं झालं अन्नप्राशन; व्हिडीओ पाहून चाहते म्हणाले, “त्याला प्रत्येक…”

हेही वाचा… Maharashtra News Live: खोटं बोल पण रेटून बोल हे मोदी सरकार आणि भाजपाचं धोरण-उद्धव ठाकरे

वनक्षेत्रपाल परिविक्षाधीन सुजाता विरकर, मानद वन्यजीव रक्षक रोहन भाटे यांच्यासह या मोहीमेत वनपाल सागर कुंभार, वनरक्षक सचिन खंडागळे, मेजर अरविंद जाधव, वनसेवक शंभूराज माने सहभागी होते. तर वाईल्ड लाईफ रेस्कूअर्स कराडचे अजय महाडीक, गणेश काळे, रोहित कुलकर्णी, रोहित पवार, अनिल कोळी, सचिन मोहिते,यांनी मोलाची भूमिका पार पाडली.