Video: मृत्यूच्या दाखल्यासाठी पैशांची मागणी, स्टिंग ऑपरेशननंतर लिपिक निलंबित

बाळू पवार हा जन्म-मृत्यू विभागातील सेतूमध्ये कार्यरत आहे. काही दिवसांपूर्वी गजानन तोडक यांनी पुसद तहसीलमध्ये आपल्या वडिलांच्या मृत्यूची नोंद घेण्याकरिता रीतसर अर्ज सादर केला. गजानन तोडक यांचे वडील तुकाराम यांचा २९ फेब्रुवारी १९७४ रोजी मृत्यू झाला. काही कारणास्तव मृत्यूची नोंद करण्यात आली नाही. आता गजानन यांना आपल्या वडिलांच्या मृत्यू नोंद दाखल्याची आवश्यकता पडली. वारंवार विनंती करूनही लिपिक बाळू पवार हा दाखला देत नव्हता. या कामासाठी लिपिक पैसे मागत होता. या त्रासाला कंटाळून गजानन तोडम यांनी पैसे मागतानाचा व्हिडीओ रेकॉर्ड केला. गजानन यांनी हा व्हिडीओ पुसद तहसीलदार महादेव जोरवार यांना दाखविला. तहसीलदार महादेव जोरवार यांनी या प्रकरणाचे गांभीर्य ओळखून बाळू पवार याच्या निलंबनाचा प्रस्ताव महसूल विभागाकडे पाठवला. या अहवालानंतर बाळू पवार याला तत्काळ निलंबित करण्यात आले.

आणखी वाचा

संजय राठोड प्रकरण : तरुणीचा मृत्यू अपघात किंवा आत्महत्या असल्याचा निष्कर्ष कशाच्या आधारे ? उच्च न्यायालयाचा सवाल

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

कल्याणीनगर अपघात प्रकरण : खटल्याच्या सुनावणीला लवकरच सुरुवात होण्याची शक्यता

डोंबिवलीत टेम्पोच्या धडकेत शाळकरी विद्यार्थ्याचा मृत्यू, एक विद्यार्थी गंभीर जखमी

IIT विद्यार्थ्याचा हॉस्टेलमध्ये मृत्यू, आत्महत्येचा संशय; हत्येची शक्यता पोलिसांनी फेटाळली!

मरण इतक्या जवळून कधी पाहिलंय का? घराच्या बाहेर येताच घडलं भयंकर; हृदय कमकूवत असेल तर हा VIDEO पाहूच नका

पुणे : कटक मंडळाच्या रुग्णालयातील गच्चीवर मृतदेह सापडला

“एक चूक आई-वडिलांना कायमचं दु:ख देऊन जाईल” रीलच्या नादात होत्याचं नव्हतं झालं; तरुणाच्या मृत्यूचा VIDEO पाहून थरकाप उडेल

ग्रामीण भागातून येणाऱ्या गरीब नागरिकांची सेतू, तहसील, भूमी अभिलेख आदी विभागात कामासाठी अडवणूक केली जाते. प्रत्येक प्रमाणपत्रासाठी पैशाची मागणी ही नित्याचीच बाब झाली होती. त्यातही कुठलाही संकोच न बाळगता सर्वांसमोर बिनदिक्कत पैसे मागणारा बाळू पवार हा लिपिक चर्चेत होता. सामान्य नागरिकाने त्याचे स्टिंग ऑपरेशन केल्यानंतर त्याच्यावर निलंबनाची कारवाई आल्याने आनंद व्यक्त होत आहे.

हेही वाचा : “मुख्यमंत्री पदाबाबत चर्चा झाली, लहान माणसांनी यावर बोलू नये”, काय म्हणाले नाना पटोले?

जिल्ह्यात अनेक ठिकाणी सेतू केंद्र हे पैसे उकळण्याचे केंद्र झाले आहे. सध्या मुख्यमंत्री माझी लाडकी बहीण योजनेसाठी महिलांची आणि विविध प्रमाणपत्रांसाठी विद्यार्थ्यांची सेतू केंद्रांवर गर्दी आहे. प्रत्येक सेतू केंद्रावर कुठल्या प्रमाणपत्रासाठी किती रुपये आकारायचे, याचे दर ठरलेले आहे. मात्र येथे नागरिकांकडून ठरलेल्या दरापेक्षा अधिक पैसे उकळले जात असल्याच्या तक्रारी आहेत. कळंब येथील एका सेतू केंद्रावर नुकताच हा प्रकार उघडकीस आला होता. असाच प्रकार तालुक्याच्या आणि यवतमाळातील काही सेतू केंद्रांवर सुरू असल्याच्या नागरिकांची तक्रार आहे.