‘या’ १५ जिल्ह्यांना १५ नोव्हेंबरला सतर्कतेचा इशारा !

मोसमी पावसाने निरोप घेतला आणि राज्यात उशिरा का होईना गुलाबी थंडीला सुरुवात झाली. मोसमी पाऊस परतीच्या वाटेवर असताना अवकाळी पावसाचे डोकावणे सुरुच होते. मात्र, अखेर दिवसा ऊन आणि सायंकाळपासून ते पहाटेपर्यंत हलक्या थंडीला सुरुवात झाली होती. विशेषकरुन दिवाळीनंतर हवामानात प्रचंड वेगाने बदल होऊ लागले. राज्याच्या तापमानात चढउतार दिसून येत असतानाच हवेतील गारठा देखील वाढल्याचे जाणवत आहे. त्यामुळे राज्यात हुडहुडी भरवणारी थंडी लवकरच येणार असे संकेत हवामान खात्याने दिल्यानंतर गरम कपड्यांच्या खरेदीकडे देखील लोकांचा ओघ वाढू लागला होता. राज्यात खऱ्या अर्थाने हिवाळ्याला सुरुवात होणार या आनंदात नागरिक असताना अवकाळी पावसाने डोके वर काढले. राज्यातील अनेक जिल्ह्यांमध्ये पावसाच्या सरी कोसळणार असल्याचे संकेत हवामान खात्याने दिले. प्रामुख्याने शुक्रवार, १५ नोव्हेंबरला हवामान खात्याने राज्यातील काही जिल्ह्यांना ‘येलो अलर्ट’ जाहीर केला आहे.

नक्की वाचा

बंगालच्या उपसागरात कमी दाबाचा पट्टा….१५ नोव्हेंबरनंतर मात्र….

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Devendra Fadnavis Income : उपमुख्यमंत्र्यांची एकूण संपत्ती किती? पत्नी अमृता फडणवीस यांच्याकडे आहे जास्त मालमत्ता

१९ नोव्हेंबरला होऊ शकतो या राशींचा भाग्योदय! ग्रहांचा राजा सूर्य करणार शनीच्या नक्षत्रामध्ये प्रवेश, प्रत्येक कामात मिळणार यश

Sharad Pawar : शरद पवार म्हणाले, “पक्ष उभा करायला अक्कल लागते, फोडायला…”

‘या’ तीन राशीच्या लोकांना होणार आकस्मिक धनलाभ; पुढील १४२ दिवस मंगळाची असणार कृपा

Manoj Jarange Patil : माघार घेताना जरांगे यांचा मुख्यमंत्री शिंदे यांना धक्का

१४ नोव्हेंबर पंचांग: वैकुंठ चतुर्दशीला मेष ते मीनपैकी कोणाच्या डोक्यावर असेल श्रीहरी व महादेवाचे कृपाछत्र; वाचा तुमचे राशिभविष्य

हेही वाचा >>>“त्या नेत्यामुळे काँग्रेस सोडून भाजपात गेलो…” नाना पटोलेंनी पहिल्यांदाच…

गुरुवारपासूनच राज्याच्या दक्षिण भागापासून कोकणासह मध्य महाराष्ट्रात देखील पावसाच्या सरींचा अंदाज व्यक्त करण्यात आला आहे. कोकण, पालघर, मध्य महाराष्ट्र, रायगड, सिंधुदुर्ग, रत्नागिरी, ठाणे, धुळे, नगर, पुणे, नाशिक, सातारा, कोल्हापूर यासह विदर्भातील बुलढाणा, गडचिरोली, वाशिम, चंद्रपूर जिल्ह्यात मुसळधार पावसाचा इशारा देण्यात आला आहे. या १५ जिल्ह्यांना हवामान खात्याने सतर्कतेचा इशारा दिला आहे. यादरम्यान वादळी वारा, विजांसह मुसळधार पावसाची शक्यता वर्तवण्यात आली आहे. आंधप्रदेश आणि तामीळनाडू या दोन राज्यांमध्ये कमी दाबाचे क्षेत्र तयार होत आहे. त्यामुळे दक्षिण किनारपट्टी क्षेत्रात पावसाची दाट शक्यता वर्तवण्यात आली आहे. महाराष्ट्रातील १५ जिल्ह्यात देखील वादळी वारा आणि विजांच्या कडकडाटासह पावसाचा अंदाज देण्यात आला आहे. यादरम्यान ताशी ३० ते ४० किलोमीटर वेगाने वारे वाहतील, अशीही शक्यता हवामान खात्याने वर्तवली आहे. दरम्यान, राज्यावर अवकाळी पावसाचे संकट घोंगावत असताना दुसरीकडे मात्र राज्यातील किमान तापमानात वेगाने घट होऊ लागली आहे. त्यामुळे अवकाळी पावसाचे संकट असले तरीही थंडी मात्र पडणारच, हे किमान तापमानातील बदलावरुन स्पष्ट होत आहे.