नागपूर: जपानमध्ये शिक्षण घेण्यासाठी अनेक संधी आहेत, जसे की शिष्यवृत्ती, विद्यापीठे, आणि स्टडी व्हिसा. जपानमध्ये शिक्षण घेण्यासाठी काही महत्त्वाची गोष्टी आहेत. जपानमध्ये शिक्षण घेण्याचा विचार करणाऱ्या भारतीय विद्यार्थ्यांसाठी एक आनंदाची बातमी आहे. जपान सरकारने एमएक्सटी (शिक्षण, संस्कृती, क्रीडा, विज्ञान आणि तंत्रज्ञान मंत्रालय) शिष्यवृत्ती कार्यक्रम २०२५ साठी अर्ज स्वीकारण्यास सुरुवात केली आहे. या शिष्यवृत्तीद्वारे भारतीय विद्यार्थी जपानमध्ये जाऊन शिक्षण घेऊ शकतात. ही शिष्यवृत्ती अशा विद्यार्थ्यांना दिली जाईल ज्यांना जपानी भाषा आणि संस्कृतीची माहिती आहे आणि आता ते जपानमध्ये पदवीपूर्व अभ्यासक्रम शिकू इच्छितात.
एमएक्सटी शिष्यवृत्तीचा उद्देश आंतरराष्ट्रीय संबंध मजबूत करणे देखील आहे. विद्यार्थ्यांना जपानमध्ये शिक्षण घेण्याची संधी उपलब्ध करून देणे हे याचे ध्येय आहे, ज्यामुळे केवळ जपानच्या विकासालाच फायदा होणार नाही तर विद्याथ्य मूळ देशालाही फायदा होईल. विद्यार्थ्यांना आर्थिक आणि शैक्षणिक मदत देऊन एमएक्सटी शिष्यवृत्ती कार्यक्रम त्यांना जपानची भाषा आणि संस्कृती शिकण्याची संधी देखील देतो. ही शिष्यवृत्ती मिळविण्यासाठी कोणत्या अटी पूर्ण कराव्या लागतात आणि त्याचे फायदे काय आहेत ते जाणून घेऊया.
अटी कोणत्या, शिष्यवृत्तीचे फायदे काय आहेत ?
शिष्यवृत्तीसाठी अर्ज करणाऱ्या विद्यार्थ्यांचा जन्म २ एप्रिल १९९५ ते १ एप्रिल २००७ दरम्यान झालेला असावा. जे विद्यार्थी पदवीपूर्व अभ्यासक्रम करण्याचा विचार करत आहेत त्यांनाच ही शिष्यवृत्ती मिळेल. विद्यार्थ्याची विद्यापीठात प्रवेशासाठी निवड झाली असावी आणि त्याने एक वर्षापेक्षा जास्त काळ जपानी भाषा आणि संस्कृतीचा अभ्यास केलेला असावा. एकूण ९ विद्यार्थ्यांना शिष्यवृत्ती दिली जाईल. ही शिष्यवृत्ती ऑक्टोबर २०२५ पासून दिली जाणार आहे.
शिष्यवृत्तीचा फायदा
या शिष्यवृत्तीचा सर्वात मोठा फायदा म्हणजे जपान सरकार निवडलेल्या विद्यार्थ्यांना दरमहा १,१७,००० येन (सुमारे ६३,६०० रुपये) देईल. विद्यार्थ्यांना कोणताही अभ्यासक्रम शिकण्यासाठी कोणतेही शुल्क भरावे लागणार नाही. एवढेच नाही तर विद्यार्थ्यांना दोन्ही बाजूंच्या विमान प्रवासाच्या तिकिटांचा खर्च देखील सरकार स्वतः करेल.
याकडेही लक्ष द्या
-जपानमध्ये शिक्षण घेण्यासाठी स्टडी व्हिसा असणे आवश्यक आहे.
-विद्यापीठाकडून मान्यता मिळाल्यानंतर, विद्यार्थ्यांना जपानच्या स्टडी व्हिसासाठी अर्ज करावा लागतो.
-जपानमध्ये अभ्यास करण्यासाठी शिष्यवृत्तीच्या अनेक संधी आहेत.
-भारत सरकार आणि जपानी सरकारच्या भागीदारीत विनिमय शिष्यवृत्ती निधी उपलब्ध आहे.
-बाह्य निधी संस्था देखील आहेत ज्या भारतीय विद्यार्थ्यांना जपानमध्ये शिक्षण घेण्यासाठी शिष्यवृत्ती देतात.
-जपानमध्ये डॉक्टरेट पदवी मिळवायची असल्यास, प्रथम बॅचलर आणि मास्टर्स शिक्षण पूर्ण करावे लागते.
-काही जपानी विद्यापीठे आंतरराष्ट्रीय विद्यार्थ्यांना पदव्युत्तर पदवी नसतानाही पीएचडीसाठी अर्ज करण्याची संधी देतात.
