मंत्रालय ताब्यात घेण्यासाठी मुंबईकडे रवाना झालेल्या रविकांत तुपकरांना शासकीय बैठकीचे निमंत्रण; म्हणाले…

न्यायालयाने जामिनावर सुटका केल्यावर तुपकर यांनी सोमठाणा (ता. चिखली) येथे अन्नत्याग आंदोलन सुरू केले. एल्गार आंदोलन कथितरीत्या दडपल्याच्या निषेधार्थ अन्नत्याग सुरू करण्यात आल्याचे त्यांनी सांगितले. दरम्यान, पूर्वघोषित कार्यक्रमानुसार आज, मंगळवारी दुपारी १ वाजता तुपकरांसह कार्यकर्ते, शेतकरी यांच्या वाहनांचा ताफा मुंबईच्या दिशेने रवाना झाला. दरम्यान, नाट्यमय घडामोडीत बुलढाणा जिल्ह्याच्या सीमेवरील जांब या गावात खास निरोप घेऊन अधिकाऱ्यांचे एक शिष्टमंडळ दाखल झाले. जिल्हाधिकाऱ्यांचा खास निरोप घेऊन हे अधिकारी आले होते.
अपर जिल्हाधिकारी विंचनकर, अपर पोलीस अधीक्षक बी. बी. महामुनी, बुलढाणा उपविभागीय अधिकारी राजेंद्रसिंह जाधव, स्थानिक गुन्हे शाखेचे अशोक लांडे हे खास ‘खलिता’ घेऊन आले. जिल्हाधिकारी किरण पाटील यांच्या पत्रात सोयाबीन-कापूस आंदोलनप्रकरणी २९ नोव्हेंबरला सह्याद्री अतिथीगृहात उपमुख्यमंत्री देवेंद्र फडणवीस यांच्या अध्यक्षतेखाली तुपकरांसोबत बैठक लावण्यात आल्याचे नमूद आहे. यामुळे तुपकरांनी आपले अन्नत्याग आंदोलन मागे घ्यावे, अशी विनंती करण्यात आली.

आणखी वाचा

मलिक यांच्याविरोधातील ॲट्रोसिटी प्रकरणाचा तपास चार आठवड्यांत पूर्ण करा; उच्च न्यायालयाचे मुंबई पोलिसांना आदेश

Chastity Belt: योनी शुचिता पट्ट्याचा इतिहास आणि त्यामागील…

पंतप्रधान मोदी देशभरातील मुख्य सचिवांशी साधणार दोन दिवस संवाद

येरवड्यातील खुल्या कारागृहातून जन्मठेपेची शिक्षा सुनावलेला कैदी पसार

खुले कारागृह म्हणजे काय? त्यात कैदी कसे राहतात आणि काय करतात?

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

आंतरधर्मीय जोडप्यांसाठी अतिथीगृहे उपलब्ध करून द्या; उच्च न्यायालयाची सूचना

Eknath Shinde : “कर्नाटक सरकारचा दडपशाहीचा प्रयत्न”, उपमुख्यमंत्री एकनाथ शिंदेंनी सुनावलं

हेही वाचा – माजी मंत्री सुनील केदार आरोपी असलेल्या जिल्हा बँक घोटाळा प्रकरणाचा निकाल पुढे ढकलला

हेही वाचा – हिंगोलीच्या सभेला का गेलो नाही, वडेट्टीवार स्पष्टच बोलले

निमंत्रणावर काय म्हणाले तुपकर?

या शासकीय शिष्टाई व पत्राबद्दल तुपकरांनी सहकाऱ्यांसमवेत चर्चा केली. बुधवारची बैठक यशस्वी झाल्यावरच अन्नत्याग मागे घेऊ, असा निर्णय त्यांनी जाहीर केला. यानंतर तुपकर आणि सहकारी पुढील प्रवासासाठी मुंबईच्या दिशेने रवाना झाले.