राज्यातील ४९ वसतिगृहांमध्ये अनियमितता; आयुक्तालयांमार्फत चौकशी सुरू

समाजकल्याण खात्याच्या वसतिगृहातील गैरप्रकारप्रकरणी चौकशी करण्यात आली. याप्रकरणी ५४ शासकीय वसतिगृहांची अन्य जिल्ह्यांच्या सहायक आयुक्त, समाज कल्याण यांच्यामार्फत वरिष्ठ समाज कल्याण निरीक्षक, लेखाविषयक कामकाज करणारे अधिकारी, कर्मचारी, आस्थापनाविषयक कामकाज करणारे कर्मचारी यांच्या पथकासह तपासणी करण्यात आली.

आणखी वाचा

आरक्षणावर सर्वोच्च न्यायालय विरुद्ध सारे राजकीय पक्ष

Nana Patole : निकालाआधी राजकीय घडामोडींना वेग; यातच…

निवडणुकीच्या धामधुमीत ९९ आरोपी तडीपार…गेल्या १० वर्षात पहिल्यांंदाच…

अतिक्रमणविरोधी कारवाईवेळी ‘हे’ नियम पाळा, थेट सर्वोच्च न्यायालयानंच घालून दिली नियमावली!

संविधानभान : भाषिक संतुलनाचा विचार

ठाण्यात ५२ बेकायदा होर्डिंगधारकांना पालिकेच्या नोटीसा, १० कोटी ९६ लाखांचा दंड पालिका करणार वसूल

KYC : RBI ने केली KYC नियम बदलण्याची घोषणा, आपल्यावर नेमका कसा परिणाम होणार?

संबंधित ४९ शासकीय वसतिगृहाच्या गृहपालांना आयुक्तालयांमार्फत कारणे दाखवा नोटीस बजावण्यात आली. त्यांची चौकशीही सुरू करण्यात आली आहे. तसेच, क्षेत्रीय कार्यालयाच्या मागणीनुसार शासकीय वसतिगृहांमध्ये आवश्यक सोयीसुविधा पुरवण्याबाबतचे आदेश समाज कल्याण आयुक्तालयामार्फत देण्यात आले आहे, असे मुख्यमंत्री एकनाथ शिंदे यांनी लेखी उत्तर विधिमंडळ हिवाळी अधिवेशनात दिले.

राज्यात समाजकल्याण खाते ४४१ शासकीय वसतिगृहे चालवत आहे. सुमारे ५० हजारांहून अधिक गरीब व गरजू विद्यार्थी वसतिगृहांमध्ये शिक्षण घेत आहेत.  काही कर्मचाऱ्यांच्या कुचराईमुळे वसतिगृहातील विद्यार्थ्यांना गैरसोयींना सामोरे जावे लागत आहे. या प्रकरणी तक्रारी करण्यात आल्या. सप्टेंबर २०२२ च्या सुमारास गैरप्रकार चव्हाटय़ावर आला. पुढे समाजकल्याण खात्याकडून ५४ वसतिगृहांमध्ये धाडी टाकण्यात आल्या. त्यात वसतिगृहाचे कामकाज आणि इतर बाबतीत अनियमितता असल्याचे आढळून आले. तसेच ५० टक्के वसतिगृहांमध्ये गृहपाल गैरहजर असल्याचे दिसून आले. एवढेच नव्हे तर मुलींच्या वसतिगृहांमध्ये सीसीटीव्ही कॅमेरे बंद असल्याची बाब समोर आली.

 काही वसतिगृहात पिण्याचे पाणी आणि ग्रंथालयाची सोयदेखील नसल्याचे आढळून आले. काही ठिकाणी तर वसतिगृहाच्या नोंदवहीत नोंद असूनही विद्यार्थी वसतिगृहात नव्हते तर तर काही ठिकाणी मान्य संख्येच्या केवळ १० ते २० टक्केच विद्यार्थी उपस्थिती होती. यासंदर्भात आमदार अमित साटम यांनी यासंदर्भातील तारांकित प्रश्न विचारला होता.