अमरावती : सौदी अरेबियामध्ये नोकरी लावून देण्याची बतावणी करून आणि व्हिसा, पासपोर्ट बनवून देण्याचे आमिष दाखवून काही बेरोजगारांची तब्बल ४ लाख ३४ हजार रुपयांची फसवणूक करण्यात आली. त्यांचे पासपोर्टसुद्धा ठेवून घेण्यात आले.
ही घटना गाडगेनगर ठाण्याच्या हद्दीत उघडकीस आली. या प्रकरणी मकसूद खान मेहमूद खान (४२) रा. पॅराडाइज कॉलनी यांच्या तक्रारीवरून दोन आरोपींविरुद्ध गुन्हा दाखल करण्यात आला आहे. हमीदुल्ला (५५) व रियाज अहेमद (६०) दोघेही रा. बंगलोर अशी गुन्हा दाखल करण्यात आलेल्या आरोपींची नावे आहेत. मकसूद खान हे चांगल्या नोकरीच्या शोधात होते. त्याचवेळी त्यांना महेदवीय माइंड ग्रुप नामक व्हॉट्सॲप ग्रुपवर नोकरी संदर्भातील एक जाहिरात दिसली. त्यामुळे त्यांनी हमीदुल्ला याच्याशी संपर्क साधला. त्याने बेरोजगारांना देश-विदेशात नोकरी लावून देण्यासोबतच त्यांचे पासपोर्ट व व्हिसा बनविण्यास आपण मदत करीत असल्याचे मकसूद खान यांना सांगितले. त्यानंतर हमीदुल्ला याने त्यांना मेडिकल व व्हिसा बनविण्यासाठी बंगळुरूला बोलाविले. त्यावेळी व्हिसा बनविण्यासह इतर वेगवेगळी कारणे सांगून मकसूद खान यांच्यासह इतर गरजूंकडून एकूण ४ लाख ३४ हजार २०० रुपये हमीदुल्ला व त्याचा सहकारी रियाज अहेमद यांनी उकळले.
तसेच त्यांच्याजवळील पासपोर्टसुद्धा आपल्याकडे ठेवून घेतले. मात्र, रक्कम घेऊनही त्यांना नोकरी देण्यात आली नाही. आपली फसवणूक झाल्याचे लक्षात आल्यावर मकसूद खान यांनी गाडगेनगर ठाण्यात तक्रार दाखल केली. तक्रारीवरून गुन्हा दाखल करण्यात आला आहे.
ही घटना गाडगेनगर ठाण्याच्या हद्दीत उघडकीस आली. या प्रकरणी मकसूद खान मेहमूद खान (४२) रा. पॅराडाइज कॉलनी यांच्या तक्रारीवरून दोन आरोपींविरुद्ध गुन्हा दाखल करण्यात आला आहे. हमीदुल्ला (५५) व रियाज अहेमद (६०) दोघेही रा. बंगलोर अशी गुन्हा दाखल करण्यात आलेल्या आरोपींची नावे आहेत. मकसूद खान हे चांगल्या नोकरीच्या शोधात होते. त्याचवेळी त्यांना महेदवीय माइंड ग्रुप नामक व्हॉट्सॲप ग्रुपवर नोकरी संदर्भातील एक जाहिरात दिसली. त्यामुळे त्यांनी हमीदुल्ला याच्याशी संपर्क साधला. त्याने बेरोजगारांना देश-विदेशात नोकरी लावून देण्यासोबतच त्यांचे पासपोर्ट व व्हिसा बनविण्यास आपण मदत करीत असल्याचे मकसूद खान यांना सांगितले. त्यानंतर हमीदुल्ला याने त्यांना मेडिकल व व्हिसा बनविण्यासाठी बंगळुरूला बोलाविले. त्यावेळी व्हिसा बनविण्यासह इतर वेगवेगळी कारणे सांगून मकसूद खान यांच्यासह इतर गरजूंकडून एकूण ४ लाख ३४ हजार २०० रुपये हमीदुल्ला व त्याचा सहकारी रियाज अहेमद यांनी उकळले.
तसेच त्यांच्याजवळील पासपोर्टसुद्धा आपल्याकडे ठेवून घेतले. मात्र, रक्कम घेऊनही त्यांना नोकरी देण्यात आली नाही. आपली फसवणूक झाल्याचे लक्षात आल्यावर मकसूद खान यांनी गाडगेनगर ठाण्यात तक्रार दाखल केली. तक्रारीवरून गुन्हा दाखल करण्यात आला आहे.
