चंद्रपूर: नोकरीची संधी, नव्या १४९ पदांना शासनाची मान्यता!

महापालिकेत १४९ पदांची नव्याने निर्मितीला मान्यता दिली आहे. यापूर्वी ७६९ व नव्याने निर्माण करण्यात आलेली १४९ पदे अशा एकूण १०१० पदांच्या आकृतीबंधास शासनाने मान्यता दिली आहे. त्यामुळे लवकरच पालिकेत मेगा भरती होणार असून बेरोजगार युवकांना संधी मिळणार आहे.
चंद्रपूर ही ‘ड’ वर्ग महापालिका असून २०११ मध्ये पालिकेची स्थापना झाली. पालिकेचे कार्यक्षेत्र ५४.२८ चौ.कि.मी असून शहराची लोकसंख्या ३.५० ते ४ लाखाच्या जवळपास आहे. नागरी क्षेत्रात मोठ्या प्रमाणात लोकसंख्येची वाढ झाली आहे. पालिकेतील अपुऱ्या मनुष्यबळामुळे शासनाचे उपक्रम व योजना राबवण्यात दिरगांई होत आहे. त्यामुळे पालिकेला मनुष्यबळ वाढवणे गरजेचे होते.