बुलढाणा: संग्रामपुरात ‘प्रहार’कडून रवी राणांच्या प्रतिमेला ‘जोडे मारो’ आंदोलन

हेही वाचा- नागपूर: कडू व राणा यांचा वाद मिटल्यात जमा – सुधीर मुनगंटीवार

प्रहर जनशक्ती पक्षाचे सर्वेसर्वा तथा आमदार बच्चू कडू यांच्या विरोधात बदनामीकारक वक्तव्य करणाऱ्या आ. राणा यांच्या निषेधार्थ नगरपंचायतमध्ये सत्तेत असलेल्या प्रहारने बसस्थानक परिसरात आज, ३१ ऑक्टोबरला निषेध आंदोलन केले. आ. राणा यांच्या प्रतिमेला चपलांचा हार घालून व जोडे मारून निषेधाच्या घोषणा देण्यात आल्या. आठवडी बाजार येथून आ. राणा यांच्या प्रतिमेला चपलांचा हार घालून धिंड काढण्यात आली. ‘बच्चू कडू तुम आगे बढो, हम तुम्हारे साथ है’, ‘या रवी राणाच करायचा काय, खाली मुंडकं वर पाय’, अशा घोषणा देण्यात आल्या. बस्थानकासमोर राणा यांच्या प्रतिमेला जोडे मारून निषेध व्यक्त करण्यात आला. यावेळी संग्रामपूर नगर पंचायतचे अध्यक्ष, उपनगराध्यक्ष, सभापती, गटनेते, नगरसेवक, कार्यकर्ते, संग्रामपूर मित्रपरिवार आघाडीचे सदस्य बहुसंख्येने उपस्थित होते.