लोकसत्ता टीम
बुलढाणा : लाखावर भाविकांची मांदियाळी, विठुमाऊली व गजानन महाराजांचा जयघोष, टाळ मृदुंगाच्या तालामुळे दुमदुमनारा मंदिर परिसर आणि श्रींचा पालखी सोहळा, यामुळे संतनगरी शेगाव येथे आज, गुरुवारी पंढरी अवतरल्याचे चित्र होते.
संत नगरी शेगावात लाखावर भाविकांच्या उपस्थितीत गुरुवारी कार्तिक एकादशीचा सोहळा उत्साहात पार पडला. संध्याकाळी कार्तिक एकादशीनिमित्त श्रींच्या पालखीची मंदिर परिक्रमा काढण्यात आली. भाविकांनी श्रींच्या रजत मुखवट्याचे दर्शन घेतले.
सकाळी ४ वाजतापासूनच गजानन महाराज समाधी स्थळाचे दर्शन घेण्यासाठी भाविकांनी रांगा लावल्या होत्या. श्रींच्या समाधी मंदिर दर्शनासाठी ३ तास लागत होते तर श्रींच्या मुखदर्शनासाठी पाऊण तास लागत होता. संध्याकाळी ५ वाजता टाळ, मृदंगाच्या निनादात व हरिनामाच्या गजरात श्रींची पालखी मंदिर परिक्रमेसाठी मार्गस्थ झाली. टाळकरी, पताकाधारी वारकऱ्यांचा सहभाग पालखी सोवत होता. संस्थानच्यावतीने श्रींच्या रजत मुखवट्याचे ब्रह्मवृंदाच्या मंत्रोच्चारात पारंपरिक पद्धतीने पूजन करण्यात आले. त्यानंतर श्री विठ्ठलाच्या तैलचित्राचे पूजन करण्यात आले. सूर्य मावळतीला जात असताना पालखी मंदिरात दाखल झाली. श्रींच्या पालखीचीही आरती करण्यात आली.
भाविकांना फराळ
स्वंयसेवी व सामाजिक संस्थांच्यावतीने भाविकांना फराळाचे वाटप करण्यात आले. बाहेरगावावरून येणाऱ्या भक्तांना फराळ, चहा, केळी व पाण्याचे वाटप करण्यात आले. मंदिरात ६० हजारावर भाविकांनी महाप्रसादाचा लाभ घेतला. एकादशीमुळे साबुदाणा उसळ, आमटी, भगर, केळी, नायलॉन चिवडा असा महाप्रसादाचा बेत होता.
बुलढाणा : लाखावर भाविकांची मांदियाळी, विठुमाऊली व गजानन महाराजांचा जयघोष, टाळ मृदुंगाच्या तालामुळे दुमदुमनारा मंदिर परिसर आणि श्रींचा पालखी सोहळा, यामुळे संतनगरी शेगाव येथे आज, गुरुवारी पंढरी अवतरल्याचे चित्र होते.
संत नगरी शेगावात लाखावर भाविकांच्या उपस्थितीत गुरुवारी कार्तिक एकादशीचा सोहळा उत्साहात पार पडला. संध्याकाळी कार्तिक एकादशीनिमित्त श्रींच्या पालखीची मंदिर परिक्रमा काढण्यात आली. भाविकांनी श्रींच्या रजत मुखवट्याचे दर्शन घेतले.
सकाळी ४ वाजतापासूनच गजानन महाराज समाधी स्थळाचे दर्शन घेण्यासाठी भाविकांनी रांगा लावल्या होत्या. श्रींच्या समाधी मंदिर दर्शनासाठी ३ तास लागत होते तर श्रींच्या मुखदर्शनासाठी पाऊण तास लागत होता. संध्याकाळी ५ वाजता टाळ, मृदंगाच्या निनादात व हरिनामाच्या गजरात श्रींची पालखी मंदिर परिक्रमेसाठी मार्गस्थ झाली. टाळकरी, पताकाधारी वारकऱ्यांचा सहभाग पालखी सोवत होता. संस्थानच्यावतीने श्रींच्या रजत मुखवट्याचे ब्रह्मवृंदाच्या मंत्रोच्चारात पारंपरिक पद्धतीने पूजन करण्यात आले. त्यानंतर श्री विठ्ठलाच्या तैलचित्राचे पूजन करण्यात आले. सूर्य मावळतीला जात असताना पालखी मंदिरात दाखल झाली. श्रींच्या पालखीचीही आरती करण्यात आली.
भाविकांना फराळ
स्वंयसेवी व सामाजिक संस्थांच्यावतीने भाविकांना फराळाचे वाटप करण्यात आले. बाहेरगावावरून येणाऱ्या भक्तांना फराळ, चहा, केळी व पाण्याचे वाटप करण्यात आले. मंदिरात ६० हजारावर भाविकांनी महाप्रसादाचा लाभ घेतला. एकादशीमुळे साबुदाणा उसळ, आमटी, भगर, केळी, नायलॉन चिवडा असा महाप्रसादाचा बेत होता.
