गडचिरोली : पोलीस भरतीची तयारी करणाऱ्या तरुणाचा नदीपत्रात संशयास्पद अवस्थेत मृतदेह आढळून आल्याने गडचिरोली जिल्ह्यातील कुरखेडा शहरात एकच खळबळ उडाली आहे. रोहित राजेंद्र तुलावी (२०,रा. जैतपूरटोला ता. कुरखेडा) असे मृत तरुणाचे नाव असून तो २५ जानेवारीला सकाळी फिरायला गेला होता. मृत्यूचे गूढ कायम असून घातपाताचा संशय व्यक्त होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

कुरखेडा येथील मुनघाटे महाविद्यालयात बीएससी द्वितीय वर्षात शिकणारा रोहित मागील दोन वर्षांपासून पोलीस भरतीची तयारी करत होता. घरी आई – वडील, वृध्द आजी व बहीण असा हा परिवार. शेतीसह मजुरी करुन गुजराण करणाऱ्या रोहितची पोलीस बनण्याची इच्छा होती. घरची परिस्थिती बेताची असल्याने त्यांचे आई वडील शेतीसह मजुरी करायचे. एकुलत्या एक मुलाला खाकी वर्दीत पाहण्याचे त्यांचे स्वप्न होते. पण दुर्दैवाने त्याचा मृतदेह आढळून आला. रोहित रोज सकाळी पोलीस भरतीचीही तयारी करायचा. त्यासाठी पहाटे उठून तो धावायला व व्यायामाला जात असे. २४ रोजी रात्री नित्याप्रमाणे जेवण करुन झोपी गेला. त्यानंतर पहाटे तो गायब होता. फिरायला गेला असावा असे समजून कुटुंबीयांनी लक्ष दिले नाही. त्यानंतर त्याचा मृतदेह कुंभीटोला मार्गावरील सतीनदीपात्रात आढळल्याची बातमी आली अन् कुटुंबाला धक्काच बसला. नदीपात्रात पाणी नव्हते.

नक्की वाचा
Also Read

रेतीमध्ये त्याचा मृतदेह आढळला. बनियान, शर्ट व स्वेटर बाजूला काढून ठेवलेले होते, तर अंगावर केवळ पँट होती. कुरखेडा पोलिसांनी घटनास्थळी धाव घेत पंचनामा करुन मृतदेह उत्तरीय तपासणीसाठी उपजिल्हा रुग्णालयात पाठविला. शवविच्छेदन अहवालानंतर मृत्यूमागील खरे कारण उजेडात येईल, असे पो.नि. महेंद्र वाघ यांनी सांगितले. सर्व बाजूंनी तपास केला जाईल, असे ते म्हणाले.

Also Read

मृत्यूचे गूढ कायम

सकाळी मॉर्निंग वॉकसाठी गेलेल्या नागरिकांना रोहित तुलावी याचा मृतदेह आढळून आला. त्यांनी ही बाब शहरात कळवली. त्यानंतर सतीनदीपात्रात मोठी गर्दी झाली. यावेळी कुटुंबीयांनी एकच आक्रोश केला, त्यामुळे वातावरण शोकमग्न झाले होते. रोहितचा मृत्यू नेमका कसा झाला, तो कोणासोबत व्यायामाला गेला होता, हे पोलिसांच्या चौकशीतच समोर येणार आहे. त्याच्या शरीरावर मारहाणीचे व्रण नाहीत, त्यामुळे मृत्यूमागचे गूढ वाढले आहे.

कुरखेडा येथील मुनघाटे महाविद्यालयात बीएससी द्वितीय वर्षात शिकणारा रोहित मागील दोन वर्षांपासून पोलीस भरतीची तयारी करत होता. घरी आई – वडील, वृध्द आजी व बहीण असा हा परिवार. शेतीसह मजुरी करुन गुजराण करणाऱ्या रोहितची पोलीस बनण्याची इच्छा होती. घरची परिस्थिती बेताची असल्याने त्यांचे आई वडील शेतीसह मजुरी करायचे. एकुलत्या एक मुलाला खाकी वर्दीत पाहण्याचे त्यांचे स्वप्न होते. पण दुर्दैवाने त्याचा मृतदेह आढळून आला. रोहित रोज सकाळी पोलीस भरतीचीही तयारी करायचा. त्यासाठी पहाटे उठून तो धावायला व व्यायामाला जात असे. २४ रोजी रात्री नित्याप्रमाणे जेवण करुन झोपी गेला. त्यानंतर पहाटे तो गायब होता. फिरायला गेला असावा असे समजून कुटुंबीयांनी लक्ष दिले नाही. त्यानंतर त्याचा मृतदेह कुंभीटोला मार्गावरील सतीनदीपात्रात आढळल्याची बातमी आली अन् कुटुंबाला धक्काच बसला. नदीपात्रात पाणी नव्हते.

नक्की वाचा
Also Read

रेतीमध्ये त्याचा मृतदेह आढळला. बनियान, शर्ट व स्वेटर बाजूला काढून ठेवलेले होते, तर अंगावर केवळ पँट होती. कुरखेडा पोलिसांनी घटनास्थळी धाव घेत पंचनामा करुन मृतदेह उत्तरीय तपासणीसाठी उपजिल्हा रुग्णालयात पाठविला. शवविच्छेदन अहवालानंतर मृत्यूमागील खरे कारण उजेडात येईल, असे पो.नि. महेंद्र वाघ यांनी सांगितले. सर्व बाजूंनी तपास केला जाईल, असे ते म्हणाले.

Also Read

मृत्यूचे गूढ कायम

सकाळी मॉर्निंग वॉकसाठी गेलेल्या नागरिकांना रोहित तुलावी याचा मृतदेह आढळून आला. त्यांनी ही बाब शहरात कळवली. त्यानंतर सतीनदीपात्रात मोठी गर्दी झाली. यावेळी कुटुंबीयांनी एकच आक्रोश केला, त्यामुळे वातावरण शोकमग्न झाले होते. रोहितचा मृत्यू नेमका कसा झाला, तो कोणासोबत व्यायामाला गेला होता, हे पोलिसांच्या चौकशीतच समोर येणार आहे. त्याच्या शरीरावर मारहाणीचे व्रण नाहीत, त्यामुळे मृत्यूमागचे गूढ वाढले आहे.