वर्धा : नाममात्र शुल्कात बदलतात शेताचे मालक; जाणून घ्या सलोखा योजना

या सलोखा योजनेंतर्गत आष्टी तालुक्यात एका प्रकरणात कार्यवाही पूर्ण करण्यात आली. यामध्ये मौजा बोरगाव येथील सुनील कडू यांचे शेत आणि प्रभाकर कडू यांचे शेत अदलबदली करायचे होते. याकरिता दोघांची कागदपत्रे जमा करण्यात आली. अदलाबदलीचा लेख नोंदणी करण्यात आला व त्याच दिवशी फेरफार नोंदवण्यात आला.

हेही वाचा – अमरावती : मेळघाटात दोन वाघांच्या झुंजीत एकाचा मृत्यू

फेरफारची सर्व प्रक्रिया पूर्ण झाल्यानंतर संबंधित दोन्ही शेतकऱ्यांच्या सातबाराला त्याचा अंमल देण्यात आला. दोघेही संबंधित शेतकरी यांना त्यांचा सुधारित सातबारा वाटप करण्यात आला. सलोखा योजनेअंतर्गत जिल्ह्यातील ही पहिलीच कार्यवाही यशस्वीपणे पूर्ण करण्यात आली. असा हा आष्टी तालुक्याचा जिल्ह्यातील पहिलाच दाखला आहे.