नागपूर : जन्मदात्या आईचा खून करणाऱ्यास जन्मठेप

आरोपी १ मे २०२० रोजी दुपारी ३ वाजताच्या सुमारास आपल्या आईला दवाखान्यात घेऊन जात होता. वाटेत आरोपीने टेकाडी शिवारातील रामटेक नागपूर लोकल रेल्वे लाईनच्या बाजूला उड्डाणपुलाच्या पिल्लरजवळ लाकडी दांड्याने आईच्या डोक्यावर प्रहार केला. त्यामुळे तिचा जागीच मृत्यू झाला. रेल्वे लाईन पार झाल्यावर तिच्याशी शाब्दिक वाद झाला. त्यामुळे आरोपीने रागाच्या भरात तिचा खून केला. त्यावेळी घटनास्थळी शंकर भोयर, कुणाल नाईक, कैलास पाचघरे, सुनिल ठाकरे उपस्थित होते.

हेही वाचा – वाशीम जिल्ह्यात अनेक ठिकाणी गारपीट, अवकाळी पावसाचा तडाखा

या घटनेची माहिती टेकाडी पोलीस पाटील पुंडलिक पुरडकर यांनी कन्हान पोलिसांना दिली. माहिती मिळताच पोलिसांचे पथक घटनास्थळी पोहोचले. पोलिसांनी घटनास्थळीच आरोपीला अटक केली. पुराव्याच्या आधारावर सत्र न्यायाधीश एम. व्ही. देशपांडे यांनी आरोपीला जन्मठेप ठोठावली.