वाशीम : चिमुकल्या अक्षराचा आगळावेगळा छंद; १००० वृक्षांच्या बिजांचे केले संकलन !

वाशीम : ग्लोबल वार्मींगमुळे पर्यावरणाचा झपाट्याने -हास होत आहे. बदलेले ऋतुचक्र, तापमानात झालेला बदल, अवकाळी, पाऊस, गारपीट आदी समस्या समोर येत आहेत. हे नैसर्गिक संकटे दूर करायचे असेल तर वृक्ष लागवड व संवर्धनावर भर द्यावा लागणार आहे. ही महत्त्वाची बाब लक्षात घेऊन एसएमसी  इंग्लिश स्कूल येथील इयत्ता ७ व्या वर्गात शिकत असलेल्या चिमुकल्या अक्षरा विजयसिंग देशमुख हिने वेगवेगळ्या जातीच्या तब्बल १ हजार वृक्षांच्या बिया गोळा केल्या. त्याचे काही संच सामाजिक वनीकरण व शाळेच्या प्रांगणात लावण्यात येणार आहेत.