प्रसंग तसा साधाच. प्रत्येक निवडणुकीत कुठे ना कुठे घडणारा. यावेळीही तो अनेक ठिकाणी घडतोय पण त्यातला अचलपूरचा महत्त्वाचा. भाजपने तिथे बच्चू कडूंच्या विरोधात प्रवीण तायडे या कार्यकर्त्याची उमेदवारी जाहीर केली. हे तायडे तसे पक्षवर्तुळात सक्रिय पण बाहेर फारसे परिचित नसलेले. त्यामुळे तेथील भाजपत मोठा असंतोष उफाळून आला. सर्व पदाधिकाऱ्यांनी एकत्र येत त्यांचा विरोध केला व बंडाची घोषणा केली. ती कदाचित प्रत्यक्षात येणारही नाही पण यावरून एक अंदाज सहज बांधता येतो तो म्हणजे कडू व भाजपत असलेले साटेलोटे. हे पहिल्यांदाच नजरेत आले असेही नाही. प्रारंभी अपक्ष नंतर प्रहारच्या माध्यमातून राजकारण करणारे कडू प्रत्येक निवडणुकीत विरोधातील उमेदवार स्वत:ला अनुकूल राहील याची काळजी घेतात. यासाठी आधी ते कुणाचे उंबरठे झिजवतात हे सर्वांना ठाऊक. गेली पाच वर्षे आधी आघाडी व नंतर महायुतीच्या सत्तेत राहून सारी फळे चाखून झाल्यावर आता ते ‘परिवर्तन महाशक्ती’च्या माध्यमातून स्वतंत्रपणे रिंगणात आहेत. हे आघाडीचे तिसरे अपत्य जन्माला घालण्याचे काम त्यांनी कुणाच्या सांगण्यावरून केले याचे उत्तर राज्यातील सर्व राजकीय पंडितांना ठाऊक.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
