Anil Deshmukh Attacked : दगड मारा किंवा गोळ्या घाला, मी मरणार नाही… रुग्णालयातून बाहेर पडताच अनिल देशमुखांचा….

काटोल जलालखेडा रोडवरील बेलफाट्याजवळ काही व्यक्तींनी त्यांच्या गाडीवर  दगडफेक करत जीवघेणा हल्ला केला. या हल्ल्यात जखमी झालेले  अनिल देशमुख  उपचारानंतर आज रुग्णालयातून घरी परतले. यावेळी त्यांनी भारतीय जनता पार्टीला आव्हान दिले. ते म्हणाले, भाजपच्या लोकांनी दगड मारले किंवा गोळ्या झाडल्या तरी अनिल देशमुख मरणार नाही. त्यांना पुरून उरणार आहे आणि त्यांना सोडणार देखील नाही, असा इशाराही त्यांनी दिला.

आणखी वाचा

कोंढव्यात दुचाकी घसरुन महिलेचा मृत्यू; दुचाकीस्वार पती जखमी

१८ नोव्हेंबर पंचांग: संकष्टी चतुर्थी १२ पैकी कोणत्या…

रस्ता ओलांडताना रेल्वेची जबरदस्त धडक आणि वाघीण…

ठाणे : अपघातात एकाचा मृत्यू, ओवळा नाका येथील घटना

ठाणे : वाद सोडविण्यासाठी गेलेल्या तरुणाच्या डोक्यात चाकूने भोसकले

पुणे : नाकाबंदी करणाऱ्या पोलिसांना भरधाव दुचाकीची धडक, दुचाकीवरील सहप्रवासी तरुणीसह चौघे जखमी

नांदेडमध्ये प्रा. लक्ष्मण हाकेंचे वाहन फोडले

बोपदेव घाटात दुचाकी घसरुन सहप्रवासी तरुणाचा मृत्यू

दरम्यान विरोधी पक्षातील नेत्यांनी गृहमंत्री देवेंद्र फडणवीस आणि भाजपवर जोरदार टीका केली आहे.  माजी गृहमंत्री अनिल देशमुख यांच्यावर हल्ला होणे निंदनीय आहे. भाजपला स्टंटबाजी वाटत असेल तर चौकशी करून सत्य समोर आणावे, असे आव्हान काँग्रेसचे आमदार विकास ठाकरे यांनी भाजपला दिले.

हेही वाचा >>> अनिल देशमुखांचा सहानुभूतीसाठी स्टंट; चित्रा वाघ म्‍हणतात, ‘पुराव्‍यानिशी पर्दाफाश करू…’

शिवसेना ठाकरे गटाचे खासदार संजय राऊत यांनी रक्तबंबाळ अवस्थेत कारमध्ये बसलेल्या अनिल देशमुखांचा व्हिडीओ आपल्या एक्स अकाऊंटवरून पोस्ट करत थेट फडणवीसांना सवाल केला आहे. “गृहमंत्री फडणवीस यांच्या नागपुरात माजी गृहमंत्री अनिल देशमुख यांच्यावर  खुनी हल्ला झाला. फडणवीस, आपली यावर काय प्रतिक्रिया आहे? हा राजकीय हल्ला आहे. मुंबईत माजी मंत्री बाबा सिद्दीकी यांची हत्या होते आणि नागपुरात माजी गृहमंत्र्याला ठार मारण्याचा प्रयत्न होतो. शेम! शेम!  असे राऊत यांनी आपल्या पोस्टमध्ये म्हटले आहे.  शरद पवारांच्या राष्ट्रवादीचे नेते जितेंद्र आव्हाड यांनीही सोशल मीडियावरून या घटनेचा निषेध केला आहे. 

हेही वाचा >>> Vinod Tawade News: हा तर भ्रष्टाचारातून कमावलेल्या पैशातून मते विकत घेण्याचा प्रकार, तावडे प्रकरणावर पटोलेंचा आरोप

राज्याचे माजी गृहमंत्री व आमचे नेते अनिल देशमुख यांच्यावर झालेल्या प्राणघातक हल्ल्याचा निषेध. राज्यात कायदा व सुव्यवस्था केवळ कागदावर राहिली आहे. ऐन निवडणुकीत ज्येष्ठ नेत्यांच्या गाडीवर असे जीवघेणे हल्ले होत असतील तर राज्य खरंच जंगलराजकडे वळला आहे, हे आता सिद्ध झाले आहे. महाराष्ट्राने अशी विकृती कधीच पाहिली नव्हती. विशेषत: नागपुरात कायदा व सुव्यवस्था राखण्यात भाजप सपशेल झाली असून गुन्हेगारांना येथे बळ मिळाले आहे. या हल्ल्याची सखोल चौकशी होऊन आरोपींना लवकरात लवकर गजाआड करावे अशी आमची मागणी आहे, असे आव्हाड यांनी म्हटले आहे.