महाराष्ट्र केसरी महिला कुस्तीचा रंगणार फड, येणार नामवंत मल्ल

पुरुष गटातील स्पर्धा वाडिया पार्क अहिल्यानगर येथे तर महिला स्पर्धा २४ व २५ जानेवारीस देवळीतील विदर्भ केसरी रामदास तडस स्टेडीयमवर रंगणार. जिल्हा पुरुष व महिला संघाची निवड १५ जानेवारीस देवळीत होणार असल्याची माहिती जिल्हा संघाचे सचिव मदनसिंग चावरे देतात. महिला कुस्ती स्पर्धा ५०, ५३, ५५, ५७, ५९, ६२, ६५ व ७२ या वजनगटात तर महिला महाराष्ट्र केसरी किताब लढत ६५ ते ७६ किलो वजनगटात होईल. कुस्तीगीरांची जन्मतारीख २००४ किंवा त्या पूर्वीची असावी. पालकांचे संमतीपत्र अनिवार्य आहे. जिल्हा संघास गादी व माती अशी वेगवेगळी प्रवेशिका पाठवायची आहे. वरिष्ठ गट राज्यस्तरीय गादी गटात ५७, ६१, ६५, ७०, ७४, ७९, ८६, ९२ व ९७ तसेच महाराष्ट्र केसरी ८६ ते १२५ या वजनगटात होणार. माती गटात ५७, ६१, ६५, ७०, ७४, ७९, ८६, ९२, ९७ तर महाराष्ट्र केसरी ८६ ते १२५ या वजनगटात स्पर्धा रंगतील.

हेही वाचा : राज्यात महिलांवरील लैंगिक अत्याचारात मुंबई पहिल्या स्थानावर, पुणे दुसऱ्या स्थानावर

या स्पर्धा अधिक चूरशीच्या व रंगतदार होण्यासाठी आयोजन समिती नियोजन करीत आहे. केंद्रीय मंत्री मुरलीधर मोहोळ हे स्पर्धेच्या आयोजनात मार्गदर्शन करीत आहे. स्पर्धेच्या विविध गटात आकर्षक असे रोख व भेटवस्तू स्वरूपात पुरस्कार ठेवण्यात येणार आहेत. देवळीत या महिला गटातील महाराष्ट्र केसरी व अन्य स्पर्धा होत असल्याने सर्व ती तयारी करण्यास सुरवात झाली आहे. अधिकाधिक कुस्तीप्रेमी येण्याची अपेक्षा असल्याने निवास व अन्य सोयी पसंत पडतील अश्याच राहतील, अशी खात्री रामदास तडस देतात.