मोठी बातमी: ‘एमपीएससी’कडून मेगा भरती! तब्बल १८१३ पदांसाठी संयुक्त परीक्षेची घोषणा

विद्यार्थ्यांची काय मागणी होती?

‘एमपीएससी’च्या वतीने राज्यसेवा आणि संयुक्त परीक्षा दरवर्षी घेतली जाते. संयुक्त परीक्षेसाठी मागील वर्षी सात हजारांवर जागांसाठी जाहिरात आली होती. एप्रिल २०२३ मध्ये परीक्षाही घेण्यात आली. यावर्षीही जवळपास आठ हजार जागांसाठी जाहिरात येईल या अपेक्षेने राज्याच्या अनेक भागातील विद्यार्थी पुणे, मुंबई, नागपूर अशा मोठ्या शहरांमध्ये परीक्षेची तयारी करीत आहेत. यासाठीचा मोठा आर्थिक भार त्यांना सहन करावा लागत आहे. त्यामुळे आचारसंहिता जाहीर होण्याआधी जाहिरात यावी अशी मागणी विद्यार्थ्यांची होती. अखेर गट – बच्या ४८० आणि गट- क च्या १३३३ पदांची जाहिरात प्रसिद्ध झाली.

हेही वाचा >>>बुलढाणा : महायुतीचे ठरले; महाविकास आघाडीमध्ये पेच!  उमेदवारीचा तीढा…

अशी आहे गट- ब पदांची विभागणी 

महाराष्ट्र गट-ब सेवा संयुक्त पूर्व परीक्षा २०२४ ही ५ जानेवारी २०२५ ला होणार आहे. ४८० पदांचा यामध्ये समावेश करण्यात आला आहे. बहूप्रतिक्षित अशा पोलीस उपनिरीक्षक पदांचा यामध्ये समावेश आहे. यात सहायक कक्ष अधिकारी पदासाठी ५४, राज्य कर निरीक्षक २०९ आणि पोलीस उपनिरीक्षक २१६ पदांचा यामध्ये समावेश करण्यात आला आहे. त्यामुळे उमेदवारांना मोठा दिलासा मिळणार आहे.

हेही वाचा >>>संघाच्या विजयादशमी उत्सवाची तयारी सुरू; सरसंघचालकांचे यंदाचे भाषण महत्त्वाचे का ? 

संयुक्त परीक्षा व गट- क मधली पदे

उद्योग निरीक्षक -: ३९

कर सहायक-: ४८२

तांत्रिक सहायक -: ९

लिपिक -: १७

लिपिक- टंकलेखक -: ७८६

एकूण -: १३३३

परीक्षा  दिनांक -: २ फेब्रुवारी २०२५

अशा आहेत गट- ब परीक्षेसाठी तारखा

अर्ज सादर करण्याचा कालावधी-  १४ ऑक्टोबर ते ४ नोव्हेंबर.

ऑनलाईन पद्धतीने शुल्क भरण्याचा अंतिम दिनांक- ०४ नोव्हेंबर.

चालनद्वारे शुल्क भरण्याचा चालन घेण्याचा दिनांक- ०६ नोव्हेंबर.

चालनद्वारे परीक्षा शुल्क भरण्याचा अंतिम दिनांक- ०७ नोव्हेंबर.