लोकसत्ता टीम
बुलढाणा: संग्रामपूर बाजार समितीचे निकाल जाहीर झाले असून महायुतीने १८ पैकी १२ जागा जिंकून सत्ता हाती घेतली आहे. प्रतिस्पर्धी महाविकास आघाडीला केवळ ६ जागांवर समाधान मानावे लागले. या विजयाने जळगाव मतदारसंघाचे आमदार संजय कुटे यांच्यासह सत्ताधारी पक्षांना मोठा दिलासा मिळाला आहे.
संग्रामपूर बाजार समितीसाठी काल शनिवारी (दि.१८) झालेल्या निवडणुकीत उत्साही म्हणजे ९७.४१ टक्के मतदानाची नोंद झाली होती. आज, रविवारी सकाळी वरवट बकाल येथे मतमोजणीला प्रारंभ झाला. निवडणूक अधिकारी तथा सहायक निबंधक महेश कृपलानी यांच्या मार्गदर्शनाखाली मतमोजणी पार पडली. मतमोजणीअंती निकाल जाहीर करण्यात आला असून विजयी उमेदवार पुढीलप्रमाणे आहे.
आणखी वाचा-चंद्रपूर : ताडोबातील ‘छोटा मटका’ सुखरूप
महायुतीप्रणित शेतकरी विकास पॅनेलचे १२ उमेदवार विजयी झाले आहे. यामध्ये संजय इंगळे, उमेश टावरी, प्रदिप वडोदे, रविंद्र रावणकार, श्रीकृष्ण बोरसे, राजेंद्र ठाकरे, भाऊराव अवचार, चित्रा ज्ञानदेव मुयांडे, शांताराम दाणे, सुरेश तायडे, संतोष राजनकार व रमेश फाळके यांचा समावेश आहे. महाविकास आघाडीकृत शेतकरी सहकार महाविकास आघाडी पॅनलचे ६ उमेदवार विजयी झाले आहे. यामध्ये राजेंद्र वानखडे, अभयसिंह मारोडे कुसुम वखारे, शेख सलीम, श्रीकांत मारोडे, रवींद्र झाडोकार यांचा समावेश आहे.
