Video : ताडोबातील ‘राका’ च्या अंगावर शावकांची मस्ती कॅमेऱ्यात कैद

जन्माच्या पहिल्या दिवसापासून तर शावक दोन वर्षाचे होईपर्यंत ही सर्व जबाबदारी वाघीण पार पाडते. स्वत:ची शिकार स्वत: मिळवण्यापासून तर अधिवास निश्चित करेलपर्यंत वाघीणच सोबत असते. त्यामुळे वाघ आणि शावक अशी दृश्य क्वचितच व्याघ्रप्रकल्पात दिसून येतात. ताडोबा-अंधारी व्याघ्रप्रकल्पातील वाघीण आणि शावकाचे अनेक व्हिडिओ आतापर्यत समाजमाध्यमांवर प्रकाशित झाले आहेत, पण वाघांसोबत शावक क्वचितच आढळून आले. वन्यजीवप्रेमी अरविंद बंडा यांना ताडोबा-अंधारी व्याघ्रप्रकल्पातील मामला क्षेत्रात ‘राका’ हा वाघ आणि सोबत त्याचे दोन शावक एकत्र खेळताना आढळले. हे दोन्ही शावक वाघाच्या अंगावर खेळत होते आणि ‘राका’ हा वाघ देखील त्यांचे हे बालपण तेवढ्याच प्रेमाने उपभोगताना आढळला.