बुलढाणा: शेगाव येथील सराफा व्यापारी निलेश गणोरकर यांना गंडविण्याचा प्रयत्न करणाऱ्या संभाजीनगर येथील ठगसेनास पोलिसांनी गजाआड केले आहे. विठ्ठल भालचंद्र सानप (५२, रा. राजीव गांधी नगर, सिडको, छत्रपती संभाजीनगर) असे आरोपीचे नाव आहे. त्याने शेगांव येथील सराफाकडून सोन्याचे पेंडल खरेदी केले. तसेच गहूमनी खरेदी करायचे आहे अशी बतावणी करून त्यानंतर सोन्याच्या ४६ गहू मणीचे वजन घ्यायचे आहे असे सराफाला सांगितले.
हेही वाचा >>> पाच रुपयासाठी चोरट्यांनी फोडले वॉटर एटीएम; सिंदेवाही तालुक्यातील वासेरा गावातील प्रकार
मोड म्हणून आपल्या जवळील काही दागिने त्यांना दिले असता गणोरकर याना दागिने नकली असल्याचा संशय आला. त्यांनी शेगांव शहर पोलिसांना माहिती दिली असत पोलीसानी सानप यास ताब्यात घेतले. त्याचेजवळून नगदी ८८ हजार व काही पांढऱ्या- पिवळ्या धातूचे वस्तू ,दागिने व बनावट चांदी चे दागीने जप्त केले. सराफा गणोरकर यांनी दिलेल्या फिर्यादीवरून आरोपी सानप विरुद्ध भादवीच्या कलम ४२०,५११ नुसार गुन्हा दाखल करण्यात आला आहे. तपास पोलीस उप निरीक्षक आशिष गंद्रे करीत आहे.
आरोपीची गुन्हेगारी पार्श्वभूमी
आरोपी सानप याची छत्रपती संभाजीनगर, बीड व जालना यथे गुन्हेगारी पूर्वपार्श्वभूमी असल्याची माहिती मिळाली आहे. शेगाव पोलिसांनी त्याला पकडल्याने सराफा व्यवसायिकांच्या फसवणुकीच्या अनेक गुन्ह्याची उकल होण्याची शक्यता वर्तविण्यात येत आहे.
