लोकसत्‍ता टीम
अमरावती : जालन्यातील अंबड येथे ‘ओबीसी आरक्षण एल्गार सभा’ पार पडली. या सभेत मंत्री छगन भुजबळ यांनी मराठा आंदोलक मनोज जरांगे-पाटील यांना लक्ष्य केले त्‍याचे पडसाद राज्यभर उमटत असून जरांगे यांनीही भुजबळांवर टीका केली आहे. आमदार बच्‍चू कडू यांनी या दोन्‍ही नेत्‍यांना सबुरीचा सल्‍ला दिला आहे.
आणखी वाचा- देवेंद्र फडणवीस म्हणतात, ‘निवडणुकीदरम्यान काँग्रेस नेत्यांचा भाजप प्रवेश…’
प्रसार माध्‍यमांशी संवाद साधताना बच्‍चू कडू म्हणाले, ‘जे काही होईल, ते कायद्यानेच होणार आहे. कायद्याच्‍या बाहेर काही होणार नाही. त्‍यामुळे मराठ्यांच्‍या विरोधात जो काही आव आणला जात आहे, तो चुकीचा आहे, असे मला वाटते. जरांगे पाटील यांनीही एकेरी भाषेत बोलू नये. भुजबळ यांनी देखील जरांगे यांच्‍या सासऱ्यापासून ते खालच्‍या पातळीपर्यंत जाऊ नये. दोन्‍ही नेत्‍यांनी शब्‍दांवर संयम ठेवायला हवा’.
