अकोल्यातही भूकंपाचा धक्का; नागरिकांमध्ये भीतीचे वातावरण…

मराठवाड्यातील पाच जिल्ह्यांसह विदर्भातील काही जिल्ह्यांमध्ये बुधवारी भूकंपाचे धक्के बसले. सकाळी ७.१४ वाजता अकोल्यासह नांदेड, परभणी, हिंगोली, वाशीम, यवतमाळ जिल्ह्यात भूकंपाचे धक्के बसले. भूकंपाचा केंद्रबिंदू हिंगोली जिल्ह्यातील कळमनुरी तालुक्यातील रामेश्वर तांडा गावात आहे. त्याठिकाणी भूकंपाची तीव्रता रिष्टर स्केल वर ४.५ नोंदविण्यात आलेली आहे.

आणखी वाचा

जुन्या ठाण्यातील पुनर्विकासासाठी विकासकांची समिती

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

तिबेट खालील भारतीय टेक्टोनिक प्लेट दुभंगणार? भूवैज्ञानिकांनी व्यक्त केली चिंता; याचा काय परिणाम होणार?

Mahakumbh 2025: बापरे! महाकुंभला जाताना रेल्वे स्टेशनवर चेंगराचेंगरी, कोण रुळावर पडलं तर कोण चेंगरलं; थरारक VIDEO समोर

Japan Earthquake : जपानमध्ये ६.९ रिश्टर स्केल तीव्रतेचा भूकंप! त्सुनामीचा इशारा जारी

जोगेश्वरीत घराचा भाग कोसळून पाच जण जखमी

विकासकामांना कात्री पण लाडक्या बहिणींना २१०० रुपये; हसन मुश्रीफ यांची ग्वाही

पिंपरी-चिंचवडमध्ये ३३ पूल; वाहतूककोंडी मात्र कायम

हेही वाचा >>>‘जेईई’,‘नीट’चा अनुभव नसणाऱ्या संस्थांना विनानिविदा कंत्राट; ‘बार्टी’च्या संस्था निवडीच्या…

दरम्यान, अकोल्यातील जुने शहर भागात सौम्य धक्का जाणवला. रामदासपेठ, जठारपेठ, गोरक्षण रोड आदी भागांमध्ये देखील भूकंपाचा धक्का जाणवल्याची नागरिकांमध्ये चर्चा आहे. या भूकंपाच्या धक्क्यामध्ये जिल्ह्यात कोणतेही नुकसान झाले नसल्याचे प्रशासनाकडून सांगण्यात आले. अकोला शहरात अचानक भूकंपाचे हादरे जाणवल्याने नागरिकांमध्ये मात्र भीतीचे वातावरण निर्माण झाले. अनेक जण समाज माध्यमांवर व्यक्त झाले. त्यांनी भूकंपाचे धक्का बसल्याचे म्हटले आहे.

या भूकंपाचा केंद्रबिंदू अकोला जिल्ह्यात नाही. हिंगोली जिल्ह्यात केंद्रबिंदू नोंदवल्या गेला. शहरात कुणा-कुणाला भूकंपाचे धक्के जाणवले याची एकमेकांकडे विचारणा केली जात आहे. शहराच्या विविध भागात भूकंपाचे धक्के जाणवल्याने नागरिकांनी सकाळीच घराबाहेर धाव घेतली होती. भूकंपाचे सौम्य धक्के असून त्याचा केंद्रबिंदू देखील हिंगोली जिल्ह्यात असल्याचे कळल्यावर नागरिकांनी सुटकेचा निश्वास सोडला. भूकंपाच्या धक्क्यामुळे शहरातील नागरिकांमध्ये चांगलीच चर्चा रंगली आहे.

हेही वाचा >>>खुशखबर… ‘बामणी प्रोटीन्स’ कंपनी लवकरच सुरू होणार;  शेकडो कामगारांना दिलासा

अकोला जिल्ह्यात यापूर्वी मार्चमध्ये झाला होता भूकंप

अकोला जिल्ह्यात यापूर्वी मार्च महिन्यात देखील भूकंपाचे धक्के बसले होते. त्यावेळी केंद्रबिंदू देखील जिल्ह्यातच नोंदवल्या गेला होता. जिल्ह्यातील बाळापूर तालुक्यात अंत्री भागात २६ मार्च रोजी सायंकाळी भूकंपाचे सौम्य धक्के जाणवले होते. त्याचवेळी मराठवाड्यातील नांदेड, हिंगोली आदी जिल्ह्यांमध्ये भूकंप झाला होता. त्यामुळे अकोला जिल्ह्यात देखील भूकंप जाणवल्याची चर्चा नागरिकांमध्ये होती. मात्र, त्याची कुठलीही नोंद झाली नव्हती. दरम्यान, २६ मार्चला सायंकाळी ६.२७ वाजता जिल्ह्यातील बाळापूर तालुक्यातील अंत्री मलकापूर परिसरात भूकंपाचे सौम्य धक्के जाणवले. भूकंपाची तीव्रता २.९ रिश्‍टर स्केल नोंदवली गेली होती. या घटनेमुळे गावकरी चांगलेच हादरून गेले होते. त्यानंतर आता चार महिन्यांनी अकोला शहराला भूकंपाने हादरा दिला आहे.