दक्षिण गडचिरोलीवर पुन्हा एकदा ‘खाण संकट’!

स्थानिकांच्या विरोधानंतर तब्बल दोन दशके प्रलंबित राहिलेल्या एटापल्ली तालुक्यातील सूरजागड टेकडीवर मागील दीड वर्षांपासून लोह खनिजाचे उत्खनन सुरू आहे. या यशानंतर प्रशासनाकडून जिल्ह्यातील सर्वच प्रस्तावीत खाणी सुरू करण्याच्या उद्देशाने टप्पाटप्प्यात निविदा प्रक्रिया घेण्यात येत आहेत. दोन महिन्यांपूर्वी दक्षिण गडचिरोलीतील अहेरी तालुक्यातील देवलमरी-काटेपल्ली येथील चुनखडीसह सूरजागड टेकडीवरील ६ ‘ब्लॉक’साठी निविदा प्रक्रिया राबविण्यात आली होती. यापैकी पाच खाणींची प्रक्रिया पूर्ण झाली असून चुनखडीसाठी ‘अंबुजा प्रायव्हेट लिमिटेड’ या प्रसिद्ध कंपनीला पुढील प्रक्रियेसाठी पात्र ठरविण्यात आले आहे, तर सूरजागड येथील लोहखाणीच्या सहापैकी चार ‘ब्लॉक’साठी जेएसडब्लू (जिंदाल), सारडा (रायपूर), युनिव्हर्सल (नागपूर), ओम साईराम (जालना) या कंपन्यांना पुढील प्रक्रियेसाठी निमंत्रित करण्यात आले आहे. उर्वरित दोन ‘ब्लॉक’ची प्रक्रिया लवकरच पूर्ण करण्यात येणार आहे. सोबतच सिरोंचा तालुक्यातील उमानुर, सिरकोंडा, सुद्दागुडम आणि झिंगानुर याठिकाणी असलेल्या चुनखडीच्या खाणींसाठीदेखील सरकार आग्रही असल्याची माहिती सूत्रांनी दिली.

आणखी वाचा

“डोळ्यात पाणी…”, ‘छावा’मधील राज्याभिषेकाच्या सीनबाबत संतोष जुवेकर म्हणाला, “विकी कौशलची एन्ट्री…”

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

“जवळच्या गोष्टींचा त्याग…”, ‘देवा’ चित्रपटासाठी शाहिद कपूरने केली ‘ही’ गोष्ट; म्हणाला, “एक कलाकार म्हणून…”

‘सर्वोत्कृष्ट कुटुंब’ स्पर्धेत डॅडी आणि सूर्या समोरासमोर येणार, ‘लाखात एक आमचा दादा’मधील डॅडी म्हणाले, “निंबाळकर घराण्याच्या इज्जतीचा…”

बुकमार्क : दैत्य ओळखता आले पाहिजेत…

‘बांगड्या गरम, बांगड्या गरम’चा सीन करण्यासाठी झेंडूने घेतले होते ‘इतके’ रिटेक, सायली भांडाकवठेकर म्हणाली…

‘मल्हारी’च्या दारी प्रामाणिकपणाची प्रचिती; जेजुरीच्या खंडोबा गडावर निवृत्त प्राध्यापिकेचे दहा लाखांचे दागिने परत

अमेय वाघ व हेमंत ढोमे यांच्यात अनेक वर्षे होता अबोला; खुलासा करत म्हणाले, “खूप भयानक…”

हेही वाचा – वर्धा : २०१९ ची निवडणूक शेवटची संधी? रोखठोक भूमिका घेणारे भाजपाचे आमदार दादाराव केचे यांनी ‘तो’ दावा फेटाळला

४५०० हेक्टर क्षेत्र खाणींनी व्यापणार

सद्यःस्थितीत सूरजागड टेकडीवर ३४८ हेक्टर वनजमीन खाणीसाठी देण्यात आली आहे. आता नव्या खाणींची कंत्राट प्रक्रिया पूर्ण झाल्याने सूरजागड टेकडीवर जवळपास ४ हजार हेक्टर तर देवलमरी – काटेपल्ली येथे ५३८ हेक्टर जमीन अधिग्रहित करण्यात येणार आहे. त्यापैकी सूरजागड टेकडीवरील पूर्ण जमीन ही वनक्षेत्रात येते. देवलमारी- काटेपल्ली ५३८ पैकी २६३ हेक्टर वनजमीन, तर २५८ हेक्टर खासगी जमीन आहे. येथे केवळ १६ हेक्टर जागा ही महसूलची आहे.

हेही वाचा – गडचिरोली : शिक्षक भरती घोटाळ्याची चौकशी अंतिम टप्प्यात! अनेक शिक्षण संस्था अडचणीत येणार

खाणींमुळे नागरिक दहशतीत

सूरजागड टेकडीवर लोहखाणीचे उत्खनन सुरू करताना परिसराचा मोठ्या प्रमाणात विकास होईल, रोजगार उपलब्ध होणार असे स्वप्न दाखविण्यात आले होते. मात्र, या परिसरातील नागरिक शेकडो अवजड वाहने, खराब रस्ते, धूळ, अपघात, कंपनी आणि प्रशासनाची अरेरावी यामुळे त्रस्त आहेत. त्यामुळे आणखी मोठ्या प्रमाणात खाणी सुरू होणार असल्याने दक्षिण गडचिरोलीतील नागरिक दहशतीत आहेत.