उच्च व तंत्रशिक्षण मंत्र्यांनी केली नागपूर विद्यापीठातून ‘एमकेसीएल’ची हकालपट्टी; कुलगुरुंसह अधिकाऱ्यांची होणार चौकशी

ही समिती आठ दिवसांत आपला अहवाल सादर करणार असून समितीसमोर सर्वच तक्रारींवर चर्चा होणार आहे. ‘लोकसता’ने हा विषय लावून धरला, हे उल्लेखनीय.

आणखी वाचा

वर्धा : कर्तव्यात कसुर; मुख्याध्यापक निलंबित; शालेय पोषण आहार विषबाधा प्रकरण

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Sadhguru on Adani: ‘उद्योगपतींवरून संसदेत रणकंदन नको’, अदाणींना समर्थन देत सद्गुरुंनी व्यक्त केली नाराजी

पंतप्रधान मोदी देशभरातील मुख्य सचिवांशी साधणार दोन दिवस संवाद

“सिंधिया लेडी किलर”, तृणमूलचे खासदार असं का म्हणाले? केंद्रीय मंत्र्याचंही जशास तसं प्रत्युत्तर

Parliament Session : सभापतींना हटवण्यावरून राज्यसभेत गोंधळ, सलग दुसऱ्या दिवशी सभागृहाचं कामकाज स्थगित

विधान परिषदेचे सभापतीपद कोणाकडे ?

No Confidence Motion : भारताच्या संसदीय इतिहासातील सर्वात मोठी घटना, राज्यसभा सभापतींच्या विरोधात अविश्वास प्रस्ताव

चंद्रपूर : ८५ वर्षीय जलयोग साधक कृष्णराव नागपुरेंच्या विक्रमाची ‘इंडिया बुक ऑफ रेकॉर्ड’ मध्ये नोंद

सहा वर्षांअगोदर नागपूर विद्याापीठाशी झालेल्या करारातील अटींचे पालन न करता परीक्षांचे काम ‘एमकेसीएल’ला पुन्हा देणे कुलगुरू डॉ. सुभाष चौधरी यांना महागात पडले आहे. ‘एमकेसीएल’मुळे विद्यापीठाच्या काही परीक्षांचे निकाल सहा महिन्यांपासून रखडले होते. त्यामुळे पावसाळी अधिवेशनात हा विषय चर्चेला आला. यावर उत्तर देताना संपूर्ण प्रकरणाची चौकशी करण्याचे आश्वासन मंत्री चंद्रकांत पाटील यांनी दिले होते. त्यानुसार त्यांनी रविवारी विद्यापीठामध्ये निकाल आणि ‘एमकेसीएल’ या प्रकरणावर बैठक घेतली. यावेळी विद्यापीठातून ‘एमकेसीएल’चे काम ताबडतोब बंद करण्याचे आदेश देण्यात आले. तसेच ‘प्रोमार्क’ कंपनीला पुढील सहा महिन्यांसाठी मुदतवाढ देण्यात आली.

नागपूर : राजकीय टीका केल्यास कलावंत, वाहिनी सगळेच अडचणीत – समीर चौघुलेंची वास्तवदर्शी प्रतिक्रिया

भविष्यात विद्यापीठाचे काम हे केंद्र सरकारच्या ‘समर्थ’ या संकेतस्थळाच्या माध्यमातून चालवले जाईल, असेही पाटील यांनी सांगितले. बैठकीला आ. ॲड. अभिजित वंजारी, आ. प्रवीण दटके, विष्णू चांगदे, शिवाणी दाणी यांच्यासह विद्यापीठाचे अधिकारी उपस्थित होते.

कुलगुरू डॉ. चौधरींच्या अडचणी वाढणार –

ना. पाटील यांच्या बैठकीमध्ये परीक्षा विभागच ‘एमकेसीएल’ला काम देण्यापासून अनभिज्ञ असल्याची गंभीर बाब समोर आली. त्यामुळे कुलगुरूंनी परस्पर ‘एमकेसीएल’ला काम दिले का? अशी शंका उपस्थित केली जात आहे. ना. पाटील यांनी दोषींवर कठोर कारवाई होईल, असे आश्वासन दिले. त्यामुळे ‘एमकेसीएल’ प्रकरणात कुलगुरू डॉ. चौधरी अडचणीत येण्याची शक्यता वर्तवली जात आहे.

‘एमकेसीएल’कडून प्रतिसाद नाही –

यासंदर्भात विचारणा करण्यासाठी ‘एमकेसीएल’चे अधिकारी देशपांडे यांना अनेकदा संपर्क केला असता त्यांनी प्रतिसाद दिला नाही. त्यानंतर मुख्यालयाला संपर्क केला असता येथील महाव्यवस्थापकांशी संपर्क होऊ शकला नाही.