आमदार बच्‍चू कडूंचा भाजपला जाहीर सभेत इशारा; म्हणाले, “तुरुंगात टाकले, तरी बेहत्‍तर…”

प्रहार जनशक्‍ती पक्षाचे दिनेश बुब यांनी बुधवारी उमेदवारी अर्ज दाखल केला. यावेळी प्रहारने जोरदार शक्तिप्रदर्शन केले. नेहरू मैदानावर आयोजित जाहीर सभेत बोलताना बच्‍चू कडू यांनी भाजपवर टीका केली. ते म्‍हणाले, उद्याचा दिवस कसा आहे, हे आपल्‍याला ठाऊक नाही. कदाचित तुरुंगाची पायरीदेखील चढावी लागेल. पण, आपण शेतकरी, शेतमजूर, दिव्‍यांगांचे प्रश्‍न मांडत राहणार. केंद्र सरकारच्‍या चुकीच्‍या धोरणामुळे कांदा, संत्री उत्‍पादकांचे प्रचंड नुकसान झाले. पण, आमच्‍या खासदार काहीच बोलल्‍या नाहीत. फिनले मिल बंद पडली. कामगार रस्‍त्‍यावर आले, काहीच केले नाही. शकुंतला रेल्‍वेच्‍या प्रश्‍नावर त्‍या बोलत नाहीत. केंद्र सरकारला शेतकरी, शेतमजुरांचे प्रश्‍न महत्‍वाचे वाटत नाहीत, असे बच्‍चू कडू म्‍हणाले. बच्‍चू कडू यांनी नवनीत राणांवर टीका केला. ते म्‍हणाले, मेळघाटात पिण्‍याच्‍या पाण्‍याची खरी गरज आहे. साड्या वाटून काहीही होणार नाही. मेळघाटातील जनता सर्वकाही जाणून आहे.

आणखी वाचा

‘कहो ना प्यार है’नंतर राकेश रोशन यांच्यावर झालेला गोळीबार; अंडरवर्ल्डचा होता संबंध, खुलासा करत दिग्दर्शक म्हणाले, “हृतिकने त्यांच्या पैशातून…”

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Rahul Gandhi Vs Arvind Kejriwal : “केजरीवाल आणि पंतप्रधान मोदी यांच्यात फरक नाही, दोघेही…”; राहुल गांधींच्या टीकेला आप नेत्याचं जोरदार प्रत्युत्तर

“…तर अजित पवार धनंजय मुंडेंना सोडणार नाहीत”, हसन मुश्रीफांचं वक्तव्य

भाजप ‘समृद्धी’ महामार्गाने ‘शत प्रतिशत’कडे

“बळं बळं चौकशी…”, धनंजय मुंडेंच्या राजीनाम्याच्या प्रश्नावर अजित पवारांचा संताप; म्हणाले, “या प्रकरणात…”

मुख्यमंत्री देवेंद्र फडणवीस यांची कबुली, म्हणाले, “संघ स्वंयसेवकाला आदेश पाळायचा असतो, तेच मी केले म्हणून भाजपमध्ये…”

Ajit Pawar : सुरेश धस यांनी उल्लेख केलेली मुन्नी कोण? विचारताच अजित पवार संतापून म्हणाले, “असल्या फाल्तू…”

हेही वाचा – यवतमाळ-वाशिममध्ये संजय राठोड विरुद्ध संजय देशमुख ? राठोड म्हणाले, मला उमेदवारी….

हेही वाचा – प्रतिभा धानोरकरांनी ‘हातउसने’ घेतले ३९ कोटी! निवडणूक आयोगाला दिलेल्या संपत्ती विवरणातील तपशील

नवनीत राणांच्‍या जात प्रमाणपत्राचे प्रकरण सर्वोच्‍च न्‍यायालयात प्रलंबित आहे. उच्‍च न्‍यायालयाने विरोधात निकाल दिला आहे. पण, आता खरा निकाल जनतेच्‍या न्‍यायालयात लागणार आहे. मातोश्री हे बाळासाहेब ठाकरे यांचे घर. ज्‍यांनी हिंदुत्‍वाचा विचार दिला, त्‍यांच्‍या घरासमोर तुम्‍ही हनुमान चालिसा पठणाचा आग्रह धरता. हे पठण घरीही होऊ शकते. भाजपचे कार्यालय फोडा म्‍हणजे उमेदवारी पक्‍की, अशी भाजपची स्थिती झाली आहे. भाजपमध्‍ये मोठ्या पदांवर आज उपरे नेते आहेत. भाजपला एकही सच्‍चा उमेदवार मिळू नये, ही शोकांतिका आहे. आम्‍ही उमेदवार देऊ, तुम्‍ही सतरंज्‍या उचला, जय श्रीराम म्‍हणा, अशी भाजपची नीती असल्‍याची टीका बच्‍चू कडू यांनी केली.