चंद्रपूर : आमदार कडू व जोरगेवारांची परस्पर विरोधी भूमिका, सरकारला पाठिंबा देणाऱ्या अपक्ष आमदारांमध्ये फुट!

राष्ट्रवादी कॉग्रेसचे नेते अजित पवार यांनी भाजप-शिंदे शिवसेना सरकारमध्ये थेट उपमुख्यमंत्री पदाची शपथ घेतल्याने अपक्ष आमदार बच्चु कडू यांनी नाराजी व्यक्त केली आहे

( बच्चु कडू- किशोर जोरगेवार )( संग्रहित छायाचित्र)/ लोकसत्ता

चंद्रपूर : राष्ट्रवादी कॉग्रेसचे नेते अजित पवार यांनी भाजप-शिंदे शिवसेना सरकारमध्ये थेट उपमुख्यमंत्री पदाची शपथ घेतल्याने अपक्ष आमदार बच्चु कडू यांनी नाराजी व्यक्त केली आहे, तर चंद्रपूरचे अपक्ष आमदार किशोर जोरगेवार यांनी अजितदादांचे स्वागत केले आहे. त्यामुळे शिंदे-फडणवीस सरकारला पाठींबा देणाऱ्या अपक्ष आमदारांमध्येच फुट पडल्याचे चित्र दिसून येत आहे.साधारणत: एक वर्षापूर्वी शिंदे-फडणवीस सरकार राज्यात सत्तेवर आले. शिंदे यांनी बंडखोरी केल्यानंतर चंद्रपूरचे अपक्ष आमदार किशोर जोरगेवार यांनी थेट गुवहाटी गाठून शिंदे गटात सहभागी झाले होते.

तेव्हा आमदार जोरगेवार यांनी उपमुख्यमंत्री देवेंद्र फडणवीस यांचा फोन आल्यानंतरच शिंदे गटात सहभागी झाल्याचे माध्यमांशी बोलतांना सांगितले होते. मात्र आता अचानक अपक्षांना विश्वासात न घेता भाजपाने राष्ट्रवादी कॉग्रेसच्या आठ जणांना मंत्रीपदाची शपथ दिली. राष्ट्रवादीचे नेते अजित पवार यांनी उपमुख्यमंत्री पदाची शपथ घेतली. शिंदे शिवसेना तथा अपक्ष आमदार अजित पवार यांच्या सरकारमधील प्रवेशाने नाराज आहेत. कुणी उघडपणे ही नाराजी बोलून दाखवित आहेत तर कुणी दबक्या आवाजात या प्रवेशाबद्दल तीव्र भावना व्यक्त करित आहेत. अशातच नेहमीच सत्तेच्या बाजूने राहणारे चंद्रपूरचे अपक्ष आमदार किशोर जोरगेवार यांनी अजित पवार यांचे सरकारमधील प्रवेशाचे स्वागत केले आहे.

आणखी वाचा

“देशातील तरुणांना अंमलीपदार्थ विकून काँग्रेसला निवडणूक लढवायची आहे”, वाशिममधील सभेतून पंतप्रधान मोदींचे टीकास्र; म्हणाले…

bigg boss 18 advocate Gunaratna sadavarte entry with pet donkey max in salman khan show watch promo

Bigg Boss 18 : गुणरत्न सदावर्तेंची शोमध्ये एन्ट्री,…

मुख्यमंत्र्यांच्या उपस्थितीत महायुतीच्या मेळाव्याकडे मित्र पक्षांची पाठ

What Supriya Sule Said About Rohit Pawar ?

Supriya Sule : “रोहित पवार जर मुख्यमंत्री झाले आणि त्यांनी शरद पवारांचा वारसा..”, सुप्रिया सुळेंचं वक्तव्य चर्चेत

Sharad Pawars big statement about increasing oppression of women

महिलांवरील वाढत्या अत्याचाराबाबत शरद पवारांचे मोठे वक्तव्य, म्हणाले…

मुल्ला यांनी दिलेल्या तक्रारीनुसार माजी खासदार पाटील यांच्याविरूध्द गुन्हा दाखल करावा या मागणीसाठी राष्ट्रवादी काँग्रेस शरद पवार गट आक्रमक झाला असून आमदार सुमनताई पाटील, रोहित पाटील यांच्यासह जमाव पोलीस ठाण्याच्या आवारात ठाण मांडून बसला होते.

भाजपच्या माजी खासदारांकडून राष्ट्रवादी शरद पवार गटच्या माजी उपनगराध्यक्षांना मारहाण, परस्पर विरोधी तक्रार

Shetkari Sangharsh Kruti Samiti, Dhananjay Munde,

कृषीमंत्री धनंजय मुंडे यांच्या विरोधात सर्वपक्षीय ‘शेतकरी संघर्ष कृती समिती’ची मोट

केजरीवाल यांचा आज राजीनामा? राज्यपालांकडे भेटीसाठी वेळ मागितली

हेही वाचा>>>नागपूर: करोना प्रतिबंधात्मक लस कुणी घेईना! पूर्व विदर्भात १.१० लाख लस मात्रा मुदतबाह्य

मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी अजित पवार व राष्ट्रवादी कॉग्रेसच्या अन्य नेत्यांचा मंत्रीमंडळात केलेला प्रवेश हा विचारपूर्वक आहे. शिंदे व फडणवीस यांच्या या निर्णयाचे तसेच अजित पवार यांचे सरकारमध्ये स्वागत करतो असे अपक्ष आमदार जोरगेवार म्हणाले. हा विचाराअंती केलेला निर्णय आहे. आमदार बच्चु कडू यांना मंत्री व्हायचे आहे, त्यामुळे त्यांची नाराजी असणे साहजीक आहे. आपणाला मंत्री व्हायचे नाही किंवा अन्य पदाची अपेक्षा देखील नाही. त्यामुळे नाराजीचा प्रश्नच येत नाही, शिंदे व फडणवीस यांच्या निर्णयासोबत असल्याचेही जोरगेवार म्हणाले.राष्ट्रवादी कॉग्रेसचे नेते अजित पवार यांनी उपमुख्यमंत्री पदाची शपथ घेतल्याने अपक्ष आमदार बच्चु कडू यांनी तीव्र नाराजी व्यक्त केली आहे.

First published on: 07-07-2023 at 10:32 IST

Web Title: Mla bachhu kadu and kishore jorgewar antagonistic role rsj 74 amy