अमरावती : राधाकृष्ण विखे पाटील हे जेव्हा भाजपमध्ये प्रवेश करणार होते, तेव्हा यादीत काँग्रेसच्या तिवसाच्या आमदार यशोमती ठाकूर यांचेही नाव पाहिले होते. पण, त्यांनी मंत्रीपद मागितले होते. देवेंद्र फडणवीस यांनी त्यांना मंत्रीपद देण्यास नकार दिला. कोणत्याही अटीविना भाजपमध्ये या, असे फडवणवीस यांनी त्यांना सांगितले होते, असा दावा अपक्ष आमदार रवी राणा यांनी मंगळवारी तिवसा येथे बोलताना केला. तिवसा येथे युवा स्वाभिमान पक्षाच्यावतीने आयोजित दहीहंडी कार्यक्रमात बोलताना रवी राणा यांनी यशोमती ठाकूर यांच्यावर टीका केली. तिवसा मतदार संघाला महिला आमदार, महिला मंत्री लाभूनही यशोमती ठाकूर यांनी जनतेचे भले करण्यापेक्षा स्वतःचे आणि आपल्या नातेवाईकांचे भले केले. राधाकृष्ण विखे पाटील यांच्यासोबत यशोमती ठाकूरसुद्धा भाजपमध्ये जाणार होत्या, पण मंत्रीपदास नकार मिळाल्याने त्या काँग्रेसमध्ये थांबल्या, असे राणा म्हणाले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
