गॅस्ट्रोची साथ! उमरखेड तालुक्यात २०० पेक्षा जास्त रुग्ण आढळले

यवतमाळ: उमरखेड तालुक्यातील गंगनमाळ येथे अतिसाराची साथ पसरली आहे. गावात २०० च्या वर रुग्ण आढळले आहेत. यातील अनेक रुग्णांना पुढील उपचारासाठी उमरखेड येथे रवाना करण्यात आले.

आणखी वाचा

डॉक्टरांविरोधातील तक्रारींचा निपटारा करण्यात एमएमसीला यश, तक्रारींची संख्या १,७०० वरून ६०० वर

वाल्मीक कराड: राखेच्या अवैध वाहतुकीतून दहशतीचा धुरळा!

नाशिक जिल्ह्यात १५ लाखांचा अवैध मद्यसाठा जप्त

किशोरवयीन मुला-मुलींसाठी ‘मैत्री क्लिनिक’ ठरतेय आधार! साडे सोळा लाख मुला-मुलींना मार्गदशन…

साताऱ्यात क्षयरुग्ण सर्वेक्षणासाठी १६० पथके

बिबट्यांच्या नसबंदीने मानव-बिबटे संघर्ष थांबणार का? हा उपाय व्यवहार्य आहे का?

प्रशिक्षणार्थी वैमानिक तरुणीमुळे सहा जणांना जीवदान

सुवर्णकार समाजाचा नाशिक जिल्ह्यात खानेसुमारीचा संकल्प, शहरातील काही भागात पाच हजार जणांची माहिती संकलित

चार दिवसांपूर्वी गंगनमाळ येथे अख्खे गाव, पोटदुखी, पाय दुखणे, बारीक ताप व मळमळीच्या प्रकोपाने ग्रासले होते. मुळावा प्राथमिक आरोग्य केंद्राच्या पथकाने गावात दाखल होऊन रुग्णांवर उपचार केले. जनूना गट ग्रामपंचायतच्या गलथानपणाचा फटका गंगनमाळच्या नागरिकांना बसला आहे. पाण्याची टाकी साफ करताना काय काळजी घ्यायला पाहिजे, याकडे लक्ष न दिल्यामुळे गाव आजारी पडल्याचे सांगितले जाते. शाळेत जिल्हा परिषद आयसोलेशन कॅम्प सुरू करण्यात आला आहे.

हेही वाचा… बोगस जात वैधता प्रमाणपत्राच्या विरोधात बंजारा समाज आक्रमक; अकोल्यात २५ मागण्यांच्या निवेदनाची होळी, रास्ता रोको

रविवारी आरोग्य पथकाने १४ रुग्णांना उमरखेड येथील शासकीय रुग्णालयात पाठवले. तर तीन नवीन रुग्ण आढळले. त्यांच्यावर गावातच उपचार सुरू आहेत. सहा दिवस आरोग्य पथकाचा कॅम्प सुरू राहणार असल्याची माहिती डॉक्टरांनी दिली. पाऊस सुरू होण्यापूर्वीच साथ रोगांचा उद्रेक सुरू झाल्याने चिंता वाढली आहे. प्राथमिक आरोग्य केंद्राचे उद्धव हिंगमिरे, समुदाय आरोग्य अधिकारी भगवान ढाले, आरोग्य सहायक विनोद घुगे, आरोग्य सहायक शकुंतला लोने, सुहास दरुर, गट प्रवर्तक रिना कोंढुरकर व आशा स्वयंसेविका गावात लक्ष ठेवून आहेत. आवश्यकता पडल्यास शिबिराचा कालावधी वाढवण्यात येईल, अशी माहिती डॉक्टरांनी दिली.