गोंदिया : शिक्षकेतर कर्मचाऱ्यांच्या आंदोलनाला खासदार प्रफुल पटेल यांचा पाठिंबा

राज्यातील अकृषी विद्यापीठे व महाविद्यालयीन शिक्षकेतर कर्मचाऱ्यांनी २० फेब्रुवारीपासून राज्यस्तरीय कामबंद आंदोलन पुकारले आहे. गोंदिया-भंडारा जिल्ह्यातील सर्व अकृषी विद्यापीठ व महाविद्यालयातील कर्मचारी या आंदोलनात सहभागी झाले आहेत. आंदोलनाच्या आजच्या तिसऱ्या दिवशी माजी केंद्रीयमंत्री व राज्यसभेचे सदस्य प्रफुल पटेल यांनी गोंदिया – भंडारा जिल्ह्याच्या दौऱ्यावर असताना भंडारा येथे आंदोलकांच्या मंडपाला भेट देत त्यांच्या आंदोलनाला आपला पाठिंबा दर्शविला. यावेळी माजी आमदार राजेंद्र जैन, आमदार राजु कारेमोरेंसह इतर पदाधिकारी उपस्थित होते.