बुलढाणा: मुस्लीम धर्माचे प्रेषित मोहम्मद पैगंबर यांच्या जयंतीनिमित्त आज गुरुवारी बुलढाण्यात दिमाखादार जुलूस काढण्यात आला. गणेश विसर्जन, पोलिसांवर पडणारा ताण लक्षात घेऊन मुस्लीम बांधवांनी यंदा वेळेची मर्यादा बाळगून ‘जश्ने ईद मिलादुन्नबी’ साजरा केला.
हेही वाचा >>> वाशिम: म्हशीने सोन्याची पोथ खाल्ली अन् एकच धांदल उडाली, नंतर मात्र…
अजिंठा मार्गावरील इंदिरा नगर येथून जुलूसला प्रारंभ झाला. घोड्यावर स्वार बालक, डीजेवरील धार्मिक गीते व कव्वालीचा निनाद, ध्वज फिरविणारे युवक, पारंपरिक वेशभूषेत सहभागी समाजबांधव असा जुलूसचा थाट होता. संगम चौक, जयस्तंभ चौक, आठवडी बाजार,जनता चौक मार्गे हा जुलूस इकबाल चौक, टिपू सुलतान चौकात पोहचला. इकबाल चौकात समारोप करण्यात आला.
हेही वाचा >>> सणासुदीच्या काळात दोन विशेष रेल्वेला मुदतवाढ, उत्तर-पश्चिम भारतात जाण्यासाठी…
अनेक ठिकाणी उद्या जुलूस आज गणेश विसर्जन असल्याने कायदा व सुव्यस्थाचा प्रश्न लक्षात घेण्याचे सामंजस्य मुस्लीम बांधवांनी दाखविले. बुलढाणा जिल्ह्यात बहुतेक ठिकाणी जश्ने ईद मिलादुन्नबी उत्सवनिमित्त उद्या शुक्रवारी जुलूस काढण्यात येणार आहे. यातच उद्या सुट्टी जाहीर झाल्याने शुक्रवारचा ‘जश्न’ जोरदार राहील, अशी चिन्हे आहेत.
