संतनगरी शेगावमध्ये ‘मटण नाट्य’ने खळबळ, जाणून घ्या काय आहे प्रकरण?

आठवडी बाजार परिसरात असलेल्या स्वामी समर्थ मंदिरामध्ये आज सोमवारी बाजूच्या ‘मटन मार्केट’मधून कुत्र्यांनी खूप मोठे मटणाचे व घाण कचऱ्याचे तुकडे मंदिर परिसरात आणून टाकले. यामुळे भाविकांमध्ये संतापाची लाट उसळली. संतप्त नागरिक आज दुपारी मटण माश्यांचे तुकडे व तेथील घाण कचरा उचलून नगरपालिकेत पोहोचले. प्रशासन अधिकारी यांच्या दालनासह आरोग्य विभाग आणि मुख्याधिकाऱ्याच्या कक्षासमोर मटणाचे तुकडे टाकून देण्यात आले.

हेही वाचा – नागपूर : ‘समृद्धी’वर रिफ्लेक्टर नसलेल्या वाहनांना प्रतिबंध लागणार

दरम्यान, स्वामी समर्थ मंदिराच्या समोर नगरपालिकेने अनधिकृतपणे मच्छी आणि मटण विक्रेत्यांना बसण्यासाठी जागा दिली आहे. परिणामी भाविकांना नेहमी त्रास व मानसिक कुचंबणा सहन करावी लागते. या मटण मच्छी मार्केटमधील घाण कचरा व फेकून देण्यात आलेले मटणाचे तुकडे या भागातील कुत्रे उचलून बाजूच्याच मंदिर परिसरात आणून टाकतात यामुळे या परिसरात नेहमीच दुर्गंधी राहते.