नागपूर ‘एम्स’ला विशेषोपचार दर्जाचे चार नवीन पदव्युत्तर अभ्यासक्रम; ‘न्यूरो सर्जरी, नेफ्रोलॉजी, नवजातशास्त्र’चा समावेश

नागपूर: उपराजधानीतील अखिल भारतीय आयुर्विज्ञान संस्थेत (एम्स) यावर्षीपासून ‘न्यूरो सर्जरी, नेफ्रोलॉजी, नवजातशास्त्र, बालरोग शल्यक्रिया या चार विषयाचे नवीन विशेषोपचार दर्जाचे पदव्युत्तर अभ्यासक्रम सुरू होत आहेत. त्यापैकी तीन नवीन अभ्यासक्रम सुरू होणारे एम्स हे पहिले शासकीय महाविद्यालय असणार आहे.

आणखी वाचा

आचार्य उपेंद्र म्हणतात, ‘मधुमेह, गुडघादुखी मंत्र साधना, अंतर योगातून उपचार…’

२२ ऑक्टोबर पंचांग: जन्मराशीनुसार आज कर्तुत्वाला मिळेल चांगला…

विश्लेषण : राज्य शालेय शिक्षण मंडळाला ‘सीबीएसई’चाच अभ्यासक्रम का राबवायचाय? त्यावरून वाद का सुरू आहे?

नोकरीची संधी : अन्न व औषध प्रशासनातील प्रयोगशाळांमध्ये भरती

कुतूहल: कृत्रिम बुद्धिमत्ता व संशोधन संस्था

तीन अभ्यासकांना अर्थशास्त्राचे नोबेल; देशांच्या समृद्धीत संस्थात्मक उभारणीचे महत्त्व याविषयी संशोधनाबद्दल पुरस्कार

अखेर औषधनिर्माणशास्त्र अभ्यासक्रमाची प्रवेश प्रक्रिया सुरू; पहिली यादी जाहीर

यूपीएससी सूत्र : चाइल्ड पोर्नोग्राफीसंदर्भात सुप्रीम कोर्टाचा निर्णय अन् ‘भविष्यातील युद्धतंत्र’ अभ्यासक्रम, वाचा सविस्तर…

मध्य भारतातील सर्वात मोठे शासकीय वैद्यकीय महाविद्यालय व रुग्णालय असलेल्या नागपुरातील मेडिकलमध्ये सर्वाधिक पदव्युत्तरचे अभ्यासक्रम व पदव्युत्तरच्या जागा आहेत. येथे अद्यापही नवजातशास्त्रचा अभ्यासक्रम नाही. मेडिकलशी संलग्नित सुपरस्पेशालिटी रुग्णालयातही अद्याप शासनाला न्यूरो सर्जरी, नेफ्रोलॉजीसह इतरही विशेषोपचार दर्जाचे (पदव्युत्तर) अभ्यासक्रम सुरू करता आले नाही.

आणखी वाचा- पोंभूर्णा, भद्रावती व गोंडपीपरीत प्रस्थापितांना धक्का; मुनगंटीवार, धानोरकर व धोटे गटांचा पराभव

अकोला, यवतमाळ, चंद्रपूर, गोंदिया येथेही शासकीय वैद्यकीय महाविद्यालय आहेत. परंतु येथेही निवडक पदव्युत्तर अभ्यासक्रम सोडले तर इतर नवीन काही नाही. या शासकीय संस्थेत वैद्यकीय शिक्षण खाते विशेषोपचार दर्जाचे अभ्यासक्रम नसतानाच नागपुरात मात्र नंतर सुरू झालेल्या व केंद्र सरकारच्या अखत्यारित असलेल्या एम्समध्ये न्यूरो सर्जरी, बालरोग शल्यक्रिया, नेफ्रोलॉजी, नवजातशास्त्र या विषयाचे पदव्युत्तर अभ्यासक्रम सुरू होत आहेत. त्यापैकी बालरोग शल्यक्रिया विभाग सोडून इतर तीन अभ्यासक्रम शासनाच्या मध्य भारतातील एकाही शासकीय महाविद्यालयात नाही. त्यामुळे एम्स हे अभ्यासक्रम सुरू करणारी पहिली शासकीय संस्था ठरणार आहे. बालरोग शल्यक्रिया विभागाचा अभ्यासक्रम मात्र नागपुरातील मेडिकल, मेयो या दोन्ही संस्थेत आहे. या वृत्ताला एम्सच्या अधिकाऱ्यांनी दुजोरा दिला.

पाच वर्षांत पदव्युत्तरच्या जागांमध्ये १८ पटींनी वाढ

‘एम्स’ नागपूरला जुलै २०२० मध्ये पदव्युत्तरच्या ४ जागा सुरू झाल्या. त्यानंतर जुलै २०२१ मध्ये १२ जागा, जानेवारी २०२२ मध्ये त्यात २८ जागा, जुलै २०२२ मध्ये ६ जागा, जानेवारी २०२३ मध्ये त्यात २५ जागांची भर पडली. आता येथे पदव्युत्तरच्या ७५ जागा झाल्या आहेत.