नागपूर : सकाळी १० ते सायंकाळी ६ वाजेपर्यंत विमानसेवा बंद, काय आहे कारण?

उड्डाण सेवा सुरळीत आणि सुरक्षित ठेवण्यासाठी धावपट्टी उत्तम स्थितीत राहणे आवश्यक आहे. त्यासाठी विमानतळ प्राधिकरण आणि संबंधित विमानतळ व्यवस्थापन धावपट्टी रिकार्पेटिंगचे करीत असते. नागपूर विमानतळावर हे काम हाती घेण्यात आले. परंतु नियोजनचा अभाव तसेच लोकसभा आणि विधानसभा निवडणुकांमध्ये अतिविशिष्ट व्यक्तींची वर्दळ यामुळे हे काम अतिशय संथ गतीने सुरू आहे.

नक्की वाचा

Bachchu Kadu : “मी शिंदेंना तेव्हाच सांगितलं होतं की भाजपाकडून…”, बच्चू कडूंचा दावा; मुख्यमंत्रीपदाबाबत केलं भाष्य!

Eknath Shinde : तुम्ही गृहखातं, विधानसभा अध्यक्षपद मागितलं…

Nitin Gadkari : “कुणी मुख्यमंत्री झाले नाही म्हणून दु:खी तर कुणाला मुख्यमंत्रीपदावरून…”, राजकीय नेत्यांबद्दल काय म्हणाले नितीन गडकरी?

अमरावती: दोन कार समोरासमोर धडकल्या; तीन युवक ठार, तीन जखमी

Ladki Bahin Yojna : लाडक्या बहिणींना २१०० रुपयांसाठी पुढच्या वर्षी भाऊबीजेपर्यंत वाट पाहावी लागणार? भाजपाने मांडली रोखठोक भूमिका

“…अन् शिंदे म्हणाले, मी सत्तेबाहेर राहून काम करेन”, गोगावलेंनी सांगितल्या शिवसेनेच्या अंतर्गत घडामोडी

इंटरसेक्स लोक कोण असतात? समाजात वावरताना त्यांना कोणत्या आव्हानांचा सामना करावा लागतो?

हेही वाचा : सर्वोच्च न्यायालयच म्हणाले, प्रकरण निकाली काढण्यासाठी न्यायालयांना वेळेचे बंधन नकोच..

नागपूर विमानतळावरील हे काम लोकसभा निवडणुकीपूर्वीच सुरू झाले. त्यासाठी विमान कंपन्यांनी वेळापत्रक बदलून घेण्यात आले. विमान उड्डान सकाळी १० ते सायंकाळी ६ वाजतादरम्यान बंद ठेवण्यात आले. मात्र, लोकसभा निवडणुकीच्या काळात अतिविशिष्ट व्यक्तींची वर्दळ नागपुरात वाढली. त्यामुळे विशेष विमान आणि हेलिकॉप्टरला सकाळी १० ते सायंकाळी ६ वाजतादरम्यान उतरण्याची आणि उड्डाण करण्याची परवानगी देण्यात आली. त्यामुळे या काळात हे काम ठप्प पडले. लोकसभा निवडणूक संपल्यानंतर पावसाळा सुरू झाला.

पावसाळ्यात हे काम होऊ शकले नाही. पावसाळा संपल्यानंतर १ ऑक्टोबरपासून पुन्हा हे काम सुरू करण्यात आले. पण, एक महिन्यांनी विधानसभा निडणूक लागली. पुन्हा अतिविशिष्ट व्यक्तींसाठी विशेष विमान, हेलिकॉप्टरला सकाळी १० ते सायंकाळी ६ वाजतादरम्यान परवागनी देण्यात आली. त्यामुळे दुपारी नियमित विमानसेवा बंद होती, पण विशेष विमान उतरत असल्याने हे काम होऊ शकले नाही. परिणामी या कामाला विलंब झाला आहे.

हेही वाचा : कौटुंबिक हिंसाचार कायद्याअंतर्गतही पत्नीला पोटगी, न्यायालयाचा महत्वपूर्ण निर्णय…

आता विधानसभा निवडणूक संपल्यानंतर हे काम २४ नोव्हेंबरपासून पुन्हा सुरू झाले आहे. सर्व विमानांची वाहतूक सकाळी १० ते सायंकाळी ६ वाजतापर्यंत बंद करण्यात आली आहे. ३१ मार्च २०२५ पर्यंत हे काम पूर्ण करण्याचे आश्वासन केंद्रीय नागरी विमान वाहतूक मंत्र्यांनी दिले आहे. लोकसभा, विधानसभा निवडणुकीच्या काळात सुमारे दोन महिने काम ठप्प होते. त्यामुळे पुढील तीन महिन्यात काम पूर्ण करण्याचे आव्हान आहे. यासंदर्भात नागपूर विमानतळाचे वरिष्ठ संचालक आबीद रुही म्हणाले, रिकार्पेटिंगचे काम पूर्ण करण्यासाठी झालेला करार मे २०२५ पर्यंत आहे. त्यापूर्वी हे काम पूर्ण होणे अपेक्षित आहे.