नागपूर : इंजीनियरिंगमध्ये टॉपर असलेल्या तरुणीला पुण्यातच एका नामांकित कंपनीत गलेलठ्ठ पगाराची नोकरी लागली. मात्र काही दिवसांपासून तिच्या आयुष्यात अघटित घडत आले परंतु ती कुणाकडे व्यक्त करू शकत नव्हती. अलिकडे ती अस्वस्थ होती. तिच्या वागण्यावरून वडिलांना स्पष्ट जाणवत होते. ती कुठल्यातरी दडपणाखाली आहे, असे कुटुंबीयांना वाटत होते. परंतु ती टोकाचा निर्णय घेईल, असा विचारही कुणी केला नसावा. तिने वडिलांना फराळ आणायला पाठविले. वडिल घराबाहेर पडताच तिने गळफास घेऊन जगाचा निरोप घेतला. वडिल फराळ घेऊन घरी परतले असता त्यांच्या पायाखालची वाळू सरकली. माहिती मिळताच पोलिसही पोहोचले. तो पर्यंत तिचा श्वास थांबला होता. अतिशय दुर्दैवी घटना मानकापूर परिसरात मंगळवार १ एप्रिलच्या सकाळी घडली. या प्रकरणी मानकापूर पोलिसांनी तुर्तास आकस्मिक मृत्युची नोंद केली आहे.
वैशाली (२८) असे त्या युवतीचे नाव आहे. तिला वडिल, भाऊ आणि एक विवाहित बहिण आहे. वैशालीने पुण्यात इंजीनिअरींगचे शिक्षण घेतले आणि तेथेच एका कंपनीत नोकरी करीत होती. मार्च महिण्याच्या सुरूवातीलाच ती घरी परतली. तेव्हापासून घरीच राहायची. मात्र, तिच्या वागण्यावरून ती कुठल्यातरी दडपणात असावी, असे कुटुंबीयांच्या लक्षात आले. ती प्रचंड चिडचिड करायची. मागील आठ दिवसांपासून तिचे जेवनावरही फारसे लक्ष नव्हते.
भाऊ कामानिमीत्त बाहेर गावी गेला होता. घरात केवळ वडिल आणि मुलगी दोघेच जण होते. ती अवस्थ असल्याने वडिल तिला एकटीला सोडून बाहेर जात नव्हते. मंगळवार १ एप्रिलला सकाळी १०.३० वाजताच्या सुमारास वडिलांशी बोलली. त्यांना फराळ आणायला दुकानात पाठविले. त्यांना येण्यासाठी जवळपास अर्धा तास लागेल, असे गृहीत धरून तिने गळफास लावला. वडिल घरी पोहोचल्यावर बाहेरून दार बंद होते. त्यांनी दार ठोठावले, मात्र, काहीच प्रतिसाद मिळाला नाही. मागच्या दारातून ते घरात गेले, वैशाली गळफास घेतलेल्या अवस्थेत दिसून आली. त्यांनी हंबरडा फोडताच शेजारी धावले. पोलिसही पोहोचले.
सुसाईट नोटमध्ये दोन तरुणांचा उल्लेख
बहिणीला माहिती देण्याच्या उद्देशातून वैशालीने एक सुसाईट नोट लिहले. त्यात दोन युवकांची नावे आहेत. ते दोघेही सख्ख्ये भाऊ आहेत. माझ्या जीवाचे बरे वाईट झाले तर त्यासाठी हे दोघे भाऊ जबाबदार असतील, असे तिने नमूद केले आहे. ही संपूर्ण माहिती त्यांच्या कार्यालयीन मेल आयडीवर मिळेल. रुमपार्टनर मैत्रीणीने धमकी दिल्याचाही उल्लेख केला आहे. काही लोक बनावट व्हिडिओ बनवत आहेत. मला फसविल्या जात आहे. ४ मार्चला इंदोर एअरपोर्ट वरून फोन चोरी झाल्याचे तिने नमूद केले आहे. यासंदर्भात मानकापूर ठाण्याचे ठाणेदार बबन येडगे यांच्याशी संपर्क साधला असता तपास सुरू असल्याचे त्यांनी सांगितले.