नागपूर : भाजप आमदाराच्या भगिनीचेच नाव मतदार यादीतून वगळले

नागपूर लोकसभा मतदारसंघात शुक्रवारी ५४ टक्के मतदान झाले. मतदानाची टक्केवारी ७५ टक्के व्हावी म्हणून प्रशासनाने प्रयत्न केले होते. त्यानंतरही मतदान कमी झाल्याने आश्चर्य व्यक्त केले जात आहे. मतदार यादी अचूक व्हावी म्हणून प्रशासनाने मृत, स्थलांतरित मतदारांची नावे यादीतून गाळली, पण त्यासोबत हयात असणारे व नियमित मतदान करणाऱ्या मतदारांचीही नावे वगळण्यात आली. याचा मोठा फटका सर्व सामान्य मतदारांबरोबरच नागपूर लोकसभा मतदारसंघाचे भाजपचे निवडणूक प्रमुख आमदार प्रवीण दटके यांच्या कुटुंबियांना बसला. त्यांच्या भगिनी मतदानापासून वंचित राहिल्या.

आणखी वाचा

‘लाडकी बहीण योजना अर्थव्यवस्थेला चालना देणारी’, काँग्रेसच्या सभेत अंनिसचे श्याम मानव म्हणाले….

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

‘बांटना और काटना’हे भाजपचे काम – खरगे

भाजपच ओबीसींच्या पाठीशी!, उपमुख्यमंत्री देवेंद्र फडणवीस यांचा दावा

पिंपरी विधानसभा: फलकाद्वारे अजित पवारांच्या आमदाराला विचारण्यात आले विविध प्रश्न; गुन्हेगारी, वाहतूक कोंडीचा केला उल्लेख

वणी : न घडलेल्या प्रकाराने राजकीय वातावरण ढवळून निघाले; कुणबी समजाबद्दलच्या वक्तव्यात बोलविता धनी कोण?

पवार यांचा नागपूर दौरा, भाजपला इशारा अन् कॉंग्रेस नेत्यांशी खलबते

शहरापेक्षा नागपूर ग्रामीणमध्ये चुरस अधिक, कुठे बंडखोरी, तर कुठे प्रस्थापितविरोधी लाट

हेही वाचा – पंतप्रधान नरेंद्र मोदी पराभवाच्या भीतीने बावचळले, खासदार संजय सिंह यांचा आरोप

हेही वाचा – अपक्षांमुळे होणाऱ्या मतविभाजनावर विजयाचा कौल? अंतिम टप्प्यात समाज माध्यमांवर प्रचारयुद्ध

दटके कुटुंबियांचे मतदान मध्य नागपुरातील दक्षिणमूर्ती चौकातील एका शाळेत होते. दटके यांच्या मोठ्या भगिनी प्रणिती दटके मतदानासाठी केंद्रावर गेल्या. मात्र त्यांचे नाव मतदार यादीत नव्हते. त्यांनी चौकशी केली असता वगळलेल्या मतदारांच्या यादीत त्यांचे नाव होते. विशेष म्हणजे त्यांचे नावही चुकवले. पतीऐवजी वडिलांचे नाव टाकण्यात आले. हजारो नावे अशाच प्रकारे चुकवण्यात आली. मतदार यादी दुरुस्तीचे व नवीन नावे समाविष्ट करण्याचे काम निवडणुकीच्या सहा महिन्यांपूर्वीपासून केले जाते. तरीही अनेक चुका यादीत कायम आहेत.