नागपूर : नागपुरात ३१ पेक्षा जास्त उड्डाणपुलांची संख्या झाली आहे. काही ठिकाणी उड्डाणपुलावरील वाहतूक सुरळीत झाली. परंतु, पुलाखालील चौकात वाहतुकीची कोंडी ‘जैसे थे’ आहे. सक्करदरा चौक हे वाहतूक कोंडीचे सर्वात मोठे उदाहरण आहे. या चौकात नेहमीच वाहतुकीची कोंडी असून त्यावर वाहतूक पोलिसांना अद्यापपर्यंत तोडगा काढता आला नाही. सक्करदरा पुलामुळे उमरेड, ताजबाग, भांडे प्लॉट, नंदनवन सक्करदरा तलाव परिसर आणि देवी मंदिर चौकापर्यंत जाण्यासाठी सुलभता झाली आहे.
जैनकलार समाज भवन चौकापासून ते भांडे प्लॉट चौकापर्यंत सक्करदरा उड्डाणपूल आहे. अशोक चौकातून थेट सक्करदरा चौकापलीकडे जाणाऱ्या वाहनासाठी हा पूल बांधण्यात आला. मात्र, मोजकी जडवाहने सोडली तर पुलाखालूनच वाहतुकीची वर्दळ अधिक असते. त्यामुळे या उड्डाणपुलाचा वाहतूक कोंडी कमी करण्याचा उद्देश सफल झालेला नाही असे सध्याचे चित्र आहे.
हेही वाचा – विदर्भात स्फोट बळी वाढताहेत, पण ‘बर्न वॉशिंग युनिट’ नाही!
आताही ट्रॅव्हल्स, मालवाहू वाहने आणि टिप्परसारखी वाहनेसुद्धा पुलाखालून धावतात. उमेरडला जाणारी वाहनेही पुलावरून जात नाहीत. त्यामुळे या मार्गावरील वाहतुकीची कोंडी कायम आहे. सक्करदरा चौकात आणि महालकडे जाणाऱ्या रस्त्यावर कपड्याची मोठमोठी दुकाने आहेत. त्यामुळे ग्राहकांची मोठी गर्दी असते. तसेच सक्करदरा चौक परिसरात ५ ते ६ नामांकित महाविद्यालये आहेत. तेथील विद्यार्थ्यांचीही गर्दी या चौकातच असते. बाजारपेठ आणि महाल-मोठा ताजबागकडे जाणारा मुख्य रस्ता असल्याने सक्करदरा चौकाला महत्त्व आले आहे.
या चौकात ऑटोचालकांची मोठी गर्दी असते. त्यांना थांबा अद्याप दिल्या गेला नाही. त्यामुळे ऑटोचालक रस्त्यावरच ऑटो लावतात. त्यामुळेसुद्धा रस्त्यावर वाहतुकीची कोंडी निर्माण होते. चौकातून सिग्नलचे उल्लंघन करणाऱ्यांची संख्या जास्त आहे. विद्यार्थीवर्ग दुचाकीने जाताना सिग्नलकडे लक्ष देत नाहीत. वाहतूक पोलीस कर्मचारी किमान रात्री ९ वाजेपर्यंत चौकात राहायला हवा. अन्यथा या चौकातून वाहतूक सिग्नल तोडणाऱ्यांची संख्या आणखी वाढणार आहे.
हातठेल्यांनी घातला चौकाला विळखा
सक्करदरा चौकात हातठेल्यांची संख्या सर्वाधिक आहे. त्यामुळे चौकाला हातठेल्यांचा विळखा असल्याचे चित्र आहे. चौकातून चारही बाजूला जाणाऱ्या रस्त्यावर हातठेले लागलेले आहेत. त्यामुळे वाहतुकीस अवरोध होतो. हातठेल्यावरील ग्राहकांची वाहनेसुद्धा रस्त्यावरच उभी केली जातात. हातठेले आता चक्क पदपथाच्याही समोर आले असून याकडे महापालिका आणि वाहतूक पोलिसांचे दुर्लक्ष आहे.
सक्करदरा चौकातून जाताना नेहमी किरकोळ विक्रेत्यांची गर्दी आणि वाहतूक कोंडीचा सामना करावा लागतो. सायंकाळपासून ते रात्री नऊ वाजेपर्यंत तर वाहनांची कोंडी निर्माण होते. त्यामुळे वाहतूक पोलिसांनी या वाहतुकीच्या कोंडीवर तोडगा काढावा. – मेघा काळे (गृहिणी)
सक्करदरा चौकातून उमरेडकडे जाणारा मुख्य रस्ता आहे. तसेच बाहेरून येणारी वाहनेसुद्धा सक्करदरा चौकातूनच जातात. त्यामुळे होत असलेल्या वाहतुकीच्या समस्यांवर तोडगा काढण्यासाठी आम्ही प्रयत्न करीत आहोत. चौकात कायमस्वरूपी तीन पोलीस कर्मचारी वाहतूक नियंत्रित करण्यासाठी तैनात असतात. – भारत कऱ्हाडे, पोलीस निरीक्षक, सक्करदरा वाहतूक शाखा
जैनकलार समाज भवन चौकापासून ते भांडे प्लॉट चौकापर्यंत सक्करदरा उड्डाणपूल आहे. अशोक चौकातून थेट सक्करदरा चौकापलीकडे जाणाऱ्या वाहनासाठी हा पूल बांधण्यात आला. मात्र, मोजकी जडवाहने सोडली तर पुलाखालूनच वाहतुकीची वर्दळ अधिक असते. त्यामुळे या उड्डाणपुलाचा वाहतूक कोंडी कमी करण्याचा उद्देश सफल झालेला नाही असे सध्याचे चित्र आहे.
हेही वाचा – विदर्भात स्फोट बळी वाढताहेत, पण ‘बर्न वॉशिंग युनिट’ नाही!
आताही ट्रॅव्हल्स, मालवाहू वाहने आणि टिप्परसारखी वाहनेसुद्धा पुलाखालून धावतात. उमेरडला जाणारी वाहनेही पुलावरून जात नाहीत. त्यामुळे या मार्गावरील वाहतुकीची कोंडी कायम आहे. सक्करदरा चौकात आणि महालकडे जाणाऱ्या रस्त्यावर कपड्याची मोठमोठी दुकाने आहेत. त्यामुळे ग्राहकांची मोठी गर्दी असते. तसेच सक्करदरा चौक परिसरात ५ ते ६ नामांकित महाविद्यालये आहेत. तेथील विद्यार्थ्यांचीही गर्दी या चौकातच असते. बाजारपेठ आणि महाल-मोठा ताजबागकडे जाणारा मुख्य रस्ता असल्याने सक्करदरा चौकाला महत्त्व आले आहे.
या चौकात ऑटोचालकांची मोठी गर्दी असते. त्यांना थांबा अद्याप दिल्या गेला नाही. त्यामुळे ऑटोचालक रस्त्यावरच ऑटो लावतात. त्यामुळेसुद्धा रस्त्यावर वाहतुकीची कोंडी निर्माण होते. चौकातून सिग्नलचे उल्लंघन करणाऱ्यांची संख्या जास्त आहे. विद्यार्थीवर्ग दुचाकीने जाताना सिग्नलकडे लक्ष देत नाहीत. वाहतूक पोलीस कर्मचारी किमान रात्री ९ वाजेपर्यंत चौकात राहायला हवा. अन्यथा या चौकातून वाहतूक सिग्नल तोडणाऱ्यांची संख्या आणखी वाढणार आहे.
हातठेल्यांनी घातला चौकाला विळखा
सक्करदरा चौकात हातठेल्यांची संख्या सर्वाधिक आहे. त्यामुळे चौकाला हातठेल्यांचा विळखा असल्याचे चित्र आहे. चौकातून चारही बाजूला जाणाऱ्या रस्त्यावर हातठेले लागलेले आहेत. त्यामुळे वाहतुकीस अवरोध होतो. हातठेल्यावरील ग्राहकांची वाहनेसुद्धा रस्त्यावरच उभी केली जातात. हातठेले आता चक्क पदपथाच्याही समोर आले असून याकडे महापालिका आणि वाहतूक पोलिसांचे दुर्लक्ष आहे.
सक्करदरा चौकातून जाताना नेहमी किरकोळ विक्रेत्यांची गर्दी आणि वाहतूक कोंडीचा सामना करावा लागतो. सायंकाळपासून ते रात्री नऊ वाजेपर्यंत तर वाहनांची कोंडी निर्माण होते. त्यामुळे वाहतूक पोलिसांनी या वाहतुकीच्या कोंडीवर तोडगा काढावा. – मेघा काळे (गृहिणी)
सक्करदरा चौकातून उमरेडकडे जाणारा मुख्य रस्ता आहे. तसेच बाहेरून येणारी वाहनेसुद्धा सक्करदरा चौकातूनच जातात. त्यामुळे होत असलेल्या वाहतुकीच्या समस्यांवर तोडगा काढण्यासाठी आम्ही प्रयत्न करीत आहोत. चौकात कायमस्वरूपी तीन पोलीस कर्मचारी वाहतूक नियंत्रित करण्यासाठी तैनात असतात. – भारत कऱ्हाडे, पोलीस निरीक्षक, सक्करदरा वाहतूक शाखा
