उच्च शिक्षणासाठी मोठ्या शहरात जात आहात, शासकीय वसतिगृहांमध्ये मोफत प्रवेशाचा लाभ घ्या, मुलींसाठीही संधी, या तारेखपर्यंत…

यासाठी अनुसूचित जाती, अनुसूचित जमाती, विमुक्त जाती व भटक्या जमाती, मांग/मेहतर, भंगी, इतर मागासवर्गीय, विशेष मागासप्रवर्गासह इतर प्रवर्गाच्या सद्य:स्थितीत इयत्ता आठवी व कनिष्ठ महाविद्यालयात प्रवेश घेणाऱ्या विद्यार्थ्यांना वसतिगृहामध्ये रिक्त असणाऱ्या जागेवर विनामूल्य प्रवेश ऑफलाईन पद्धतीने देण्यात येणार आहे. शासकीय वसतिगृहात विनामूल्य निवास व भोजनासह अंथरूण- पांघरूण, शैक्षणिक साहित्य, पुस्तके, निर्वाह भत्ता, ग्रंथालय, जिम, ई-लायब्ररी व इंटरनेट वाय-फाय आदी सुविधा विनामूल्य उपलब्ध करून देण्यात येतात. सन २०२४-२५ या सत्रातील शालेय व कनिष्ठ महाविद्यालयीन अभ्यासक्रमातील रिक्त जागेसाठी वसतिगृहात प्रवेश घ्यावयाचा आहे अशा गरजू विद्यार्थ्यांनी नागपूर शहरातील सामाजिक न्याय विभागांतर्गत मुलींचे ६ शासकीय वसतिगृहे व मुलांचे ८ शासकीय वसतिगृहांत प्रवेशासाठी शहाराच्या केंद्रभागी असलेल्या मागासवर्गीय मुलींचे शासकीय वसतिगृह, वसंतनगर, चोखामेळा परिसर, दीक्षाभूमी चौक, नागपूर येथून विनामूल्य अर्ज प्राप्त करून निर्धारित मुदतीत संपूर्ण आवश्यक कागदपत्रांसह सादर करावा. तसेच वसतिगृह प्रवेश अर्ज खालीलप्रमाणे दिलेल्या क्यूआर कोड वरून देखील उपलब्ध करून घेऊन आवश्यक कागदपत्रांसह वसतिगृहात सादर करू शकता.

आणखी वाचा

वालचंद महाविद्यालय बळकाविण्यासाठी अडवणुकीचे सत्र

Bigg Boss Marathi 5: सर्व एलिमिनेटेड सदस्यांची घरात…

‘समान धोरण’मुळे लाखो विद्यार्थी वंचित; ‘महाज्योती’ बाहेर पडल्यानंतर सरकारच्या निर्णयाची प्रतीक्षा

ओबीसींसाठी उत्पन्नाच्या दाखल्याची अट रद्द, शासन निर्णय काय सांगतो?

खेळापासून शिक्षणापर्यंत सर्वत्र राजकारणच… केंद्रीय मंत्र्याचे पुण्यात वक्तव्य…

कृत्रिम बुद्धिमत्ता मॉडेलच्या विकासासाठी मुंबई विद्यापीठाची अनोखी झेप! आजारांचे आगाऊ निदान होणार…

सर्वकार्येषु सर्वदा : भटक्या जमातींना रस्ता शोधून देण्यासाठी धडपड

एसईबीसी व नॉन क्रिमिलियर प्रमाणपत्र सादर करण्यासाठी विद्यार्थ्यांना १५ दिवसांची मुदतवाढ

हेही वाचा – ओबीसीतील कोणती जात दुरावली? भाजपचे बुथनिहाय सर्वेक्षण सुरू

हेही वाचा – समाज कल्याण विभागाच्या आयुक्ताची सुनावणीला विनाकारण दांडी, न्यायालयाने फटकारले

तसेच ग्रामीण भागातील तालुका स्तरावरील ११ वसतिगृहांत प्रवेशासाठी संबंधित तालुक्याच्या वसतिगृहातील गृहपाल यांच्याकडून अर्ज प्राप्त करून आवश्यक कागदपत्रांसह संबंधित तालुक्याच्या वसतिगृहातील गृहपाल यांच्याकडे सादर करावेत, असे जाहीर आवाहन सुकेशिनी तेलगोटे, सहाय्यक आयुक्त समाज कल्याण नागपूर यानी केले आहे. अधिक माहितीसाठी संबंधित शासकीय वसतिगृहाचे गृहपाल किंवा सहाय्यक आयुक्त, समाज कल्याण नागपूर या कार्यालयाशी संपर्क करावा.