नागपूर लोकसभा : मतदान करणाऱ्यांच्या संख्येत अल्प वाढ, संकेत काय?

नागपूर : मागील तीन निवडणुकांमध्ये आधीच्या निवडणुकीच्या तुलनेत प्रत्यक्ष मतदान करणाऱ्यांची संख्या काही लाखांनी वाढायची. यावेळी मात्र २०१९ च्या तुलनेत मतदारसंख्या केवळ २० हजाराने वाढल्याचे दिसून येत आहे. यातून अटीतटीच्या लढतीचे संकेत मिळत आहेत.

आणखी वाचा

साडेसहाशे गृहनिर्माण संस्थांमध्ये होणार मतदान, मुंबईत प्रथमच मोठ्या स्तरावर प्रयोग, मतदान वाढण्याची अपेक्षा

Nana Patole : निकालाआधी राजकीय घडामोडींना वेग; यातच…

पहिल्या टप्प्यात ६५ टक्के मतदान; झारखंडमध्ये माओवाद्यांच्या बहिष्काराच्या आवाहनाकडे मतदारांचे दुर्लक्ष

कल्याण-डोंबिवलीत प्रचार टिपेला, मजुरीचे दर शिगेला; प्रचारासाठी लागणाऱ्या मजुरांचे दर २५० ते १२०० रूपये

पुणेकरांनो मतदान करा अन् मोफत पेट्रोलसोबत बरंच काही मिळवा! विविध संघटनांकडून मतदान वाढविण्यासाठी पाऊल

नाशिक, मालेगावातील १६७६ मतदान केंद्रांवरील घडामोडींचे थेट प्रक्षेपण

नाशिक: गृह मतदानापासून हजारो ज्येष्ठ मतदार, अपंग वंचित; यंत्रणेच्या अनास्थेमुळे ८५ हजार पैकी केवळ २४४९ मतदारांना लाभ

दर पाच वर्षांनी होणाऱ्या लोकसभा निवडणुकीत मतदार संख्येसोबतच प्रत्यक्ष मतदान करणाऱ्यांच्या संख्येतही वाढ व्हायची. २०१४, २०१९, २०२४ च्या निवडणुकीतही हेच चित्र होते. मात्र २०२४ मध्ये ही संख्या आधीच्या दोन निवडणुकांपेक्षा अत्यल्प आहे. २०१४ मध्ये १०,८५,०५८ मतदारांनी मतदान केले होते. ही संख्या त्यापूर्वीच्या म्हणजे २००९ च्या (७,५५,३६९) तुलनेत ३ लाख ३० हजार मतांनी अधिक होती.

आणखी वाचा-फडणवीस यांची उध्दव ठाकरेंवर टीका; म्हणाले, “त्यांना तोंडाच्या…”

२०१९ च्या निवडणुकीत ११,८७,२१५ मतदारांनी मतदानाचा हक्क बजावला होता व ही संख्या २०१४ च्या तुलनेत सरासरी एक लाखाने अधिक होती. २०२४ मध्ये १२,०७३४४ मतदारांनी मतदान केले. ते २०१९ च्या तुलनेत केवळ २० हजारांनी अधिक आहे. मतदारांच्या संख्येतील ही अत्यल्प वाढ लढतीतील प्रमुख पक्ष अनुक्रमे भाजप व काँग्रेसची चिंता वाढवणारी ठरू शकते.

नागपूरमध्ये २०२४ च्या निवडणुकीसाठी शुक्रवारी मतदान झाले. २२ लाख २३ हजार २८१ मतदारांपैकी १२ लाख ७३४४ (५६.४७ टक्के) मतदारांनी मतदान केले. भाजपचे उमेदवार व केंद्रीय मंत्री नितीन गडकरी व कॉंग्रेसचे आमदार विकास ठाकरे यांच्यात लढत आहे.