नागपूर: पावसामुळे मुंबईचे विमान रद्द, विदर्भ एक्सप्रेसला १२ तास विलंब

मुंबई पावसाने तुंबल्याने इंडिगो एअरलाइन्सचे फ्लाइट क्रमांक ६ई ८०४ हे मुंबई-नागपूर विमान रद्द करण्यात आले. हे विमान मुंबईहून सकाळी ७.४५ वाजता उड्डाण भरून नागपूर येथे सकाळी ९.१५ वाजता पोहचणे अपेक्षित होते. मात्र, पावसामुळे विमान वेळेवर रद्द करावे लागले. त्याचप्रमाणे इंडिगो एअरलाइन्सचे फ्लाइट क्रमांक ६ई ५१२४ हे विमान ४ तास २१ मिनिटे विलंबाने मुंबईहून नागपूर येथे पोहचले. नियोजित वेळापत्रकानुसार विमान मुंबई येथून सकाळी ६.१० वाजता उडणे अपेक्षित होते. प्रत्यक्षात या विमानाने सकाळी १०.१५ वाजता नागपूरच्या दिशेने उड्डाण भरले. परिणामत: सकाळी ५ वाजतापासून घरून निघालेल्या प्रवाशांना पाच तास मुंबई विमानतळावर बसून राहावे लागले. तर इंडिगो एअरलाइन्सचे फ्लाइट क्रमांक ६ई ६१४५ विमान नागपूर येथून सकाळी ८.१५ वाजताऐवजी दुपारी १२.३३ वाजता मुंबईकडे उडाले. फ्लाइट क्रमांक ६ई ५००२ विमान ४१ मिनिटे विलंबाने मुंबईला पोहचले.

आणखी वाचा

८:२४,ची लोकल वातानुकूलितच ,आंदोलनानंतरही रेल्वे प्रशासन ठाम

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

‘पुणे विमानतळाचा व्यावसायिकदृष्ट्या विस्तार महत्त्वाचा’,कोणी केली मागणी ?

पुणे शहरात आता रात्रीही होणार कचरासंकलन, हे आहे कारण ?

चंद्रपूर : ५० हजाराची लाच, पोलीस उपनिरीक्षक प्रतिबंधक विभागाच्या जाळ्यात

वर्षभरात अटल सेतूवरुन धावली ८२ लाख ८१ हजार वाहने, सेतू वाहतूक सेवेत दाखल होऊन एक वर्षे पूर्ण

मुंबई – सिंधुदुर्ग विमानसेवा दोन महिने बंद

बदलापूर – खोपोली लोकल बंद, कर्जत येथे रविवारी वाहतूक ब्लॉक

हेही वाचा : Video: बछड्यांसह वाघीण निघाली ऐटीत….पण, भररस्त्यात असे काही घडले की चवताळून थेट पर्यटकांवर…

इंडिगो एअरलाइन्सचे फ्लाइट क्रमांक ६ई ७४२७ विमान इंदूरहून सकाळी ०७.०५ वाजताऐवजी सकाळी ०७.२९ वाजता नागपूरच्या दिशेने उडाले. या विमानाला नागपूर येथे पोहचण्यास नियोजित वेळापत्रकाच्या तुलनेत २४ मिनिटे विलंब झाला. तर फ्लाइट क्रमांक ६ई ७७४५ या नागपूर-इंदूर विमानाला ४४ मिनिटे विलंब झाला.

हेही वाचा : बुलढाणा जिल्ह्यातील १५ महसूल मंडळांत अतिवृष्टी; लाखो हेक्टरवरील पेरण्या धोक्यात

विदर्भ एक्सप्रेसला १२ तास विलंब

मुंबईतील पावसामुळे सीएसटीएम- गोंदिया विदर्भ एक्सप्रेस आज नागपुरात १२ तास विलंबाने पोहोचली. ही गाडी मुंबईहून (सीएसएमटी) येथून ७ वाजून ५ मिनिटांनी निघते आणि नागपूरला दुसऱ्या दिवशी सकाळी ८ वाजून ५५ मिनिटांनी येते. त्यामुळे प्रवाशांचे मोठे हाल झाले. मुंबई-नागपूर दुरांन्तो एक्सप्रेस सोमवारी नागपुरात चार तास विलंबाने पोहोचली. याशिवाय मुंबईहून नागपूरमार्गे धावणाऱ्या रेल्वेगाड्या ३ ते ६ सहा तास विलंबाने धावत होत्या. यामध्ये एलटीटी-पुरी एक्सप्रेस, हटिया-एलटीटी एक्सप्रेसला विलंब झाला. तसेच सिकंदराबाद- हजरत निझामुद्दीन एक्सप्रेस, नवी दिल्ली- चेन्नई एक्सप्रेस, कटारा-चेन्नई या गाड्या नागपुरात उशिरा पोहचल्या.