शिक्षिकेकडून विद्यार्थ्याला बेदम मारहाण, कायदा काय सांगतो?

कायदा काय सांगतो?

भारतात बालकांसाठी आणल्या गेलेल्या निःशुल्क आणि अनिवार्य बाल शिक्षण अधिनियम २००९ मध्ये त्यांना शारीरिक आणि मानसिक छळपासून संरक्षण देण्यात आलेले आहे. तसेच बाल हक्क व संरक्षणानुसार बालकांसाठी अनेक तरतुदी करण्यात आलेल्या आहेत. आरटीईच्या कलम ३१ अंतर्गत बालकांना शिक्षणाचा अधिकार मिळतो. त्याच्यावर निरीक्षण ठेवण्यासाठी नॅशनल कमिशन फॉर प्रोटेक्शन ऑफ चाईल्ड राईट्स स्थापन करण्यात आले आहे. यात शाळेतील शिक्षा संपवण्यासंदर्भात दिशानिर्देश आहेत. पण, भारतीय कायदाव्यवस्थेत ‘कॉर्पोरल पनिशमेंट’ची स्पष्ट अशी व्याख्या करण्यात आलेली नाही. आरटीई कायद्याअंतर्गत ‘कॉर्पोरल पनिशमेंटचे’ वर्गीकरण हे शारीरिक-मानसिक छळ आणि भेदभाव यांच्यात करण्यात आले आहे. उदाहरणार्थ – मारणे, लाथ मारणे, खरचटणे, चिमटा काढणे, केस ओढणे, कान ओढणे, चापट मारणे, चावणे, एखाद्या वस्तूचा वापर करून मारणे यांचा समावेश आहे. तर बेंचवर किंवा कोणत्याही ठिकाणी उभे करणे याचा समावेश मानसिक छळात करण्यात आलेला आहे.

आणखी वाचा

आमदार गीता जैनच्या भावाविरोधात आचारसंहिताभंगाचा गुन्हा; रिक्षाचालकांना भेटवस्तूचे वाटप

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

सांगलीत महापालिका शाळेत तब्बल ४० विद्यार्थ्यांना मारहाण, शिक्षिका निलंबित

याला म्हणतात शिक्षकांचा दरारा! बेधुंद होऊन नाचत होते विद्यार्थी, सरांनी मागे वळून पाहताच… Video एकदा पाहाच

शाळांना सुविधा हव्यात नां? मग ‘हे’ करावेच लागेल…

वसई : शिकवणी शिक्षिकेने कानाखाली मारले, १० वर्षाच्या चिमुकलीची मृत्यूशी झुंज

विश्लेषण : येत्या शैक्षणिक वर्षापासून मुलांना काय शिकवले जाणार?

“डियर शाळा, फक्त खांद्यावर दप्तर नाही पण लोक अजूनही धडा शिकवून जातात” तरुणाचा VIDEO VIRAL

हेही वाचा…नागपुरातील लाडकी बहीण मेळाव्यावर आशा सेविकांचा बहिष्कार.. झाले असे की…

शिक्षकांना हेही करता येणार नाही

याशिवाय मुलावर कोणत्याही प्रकारची शाब्दिक टीका करणे, वेगवेगळ्या नावांनी बोलावणे, रागावणे, घाबरवणे, अपमानजनक शब्दांचा वापर करणे किंवा लज्जास्पद वाटण्यास प्रवृत्त करणे आदींचा त्यामध्ये समावेश आहे. शाळेत विद्यार्थ्याच्या बाबतीत शिक्षकाची वागणूक ही पूर्वाग्रहदूषित असल्यास हा प्रकार भेदभाव श्रेणीमध्ये नोंदवला जाईल. यामध्ये एखाद्या जातीविरुद्ध, लिंग, व्यवसाय, २५ टक्के आरक्षणाअंतर्गत प्रवेश, वंचित घटकांशी संबंधित असल्याच्या आधारावर पक्षपातीपणा केल्यास हा भेदभाव मानला जातो.