नागपूर विद्यापीठाचे कुलगुरू डॉ. चौधरींची खुर्ची धोक्यात! विनानिविदा कामे दिल्याचा अहवाल

याआधी कुलगुरूंच्या विरोधात झालेल्या तक्रारींच्या चौकशीसाठी नेमण्यात आलेल्या उच्च तंत्र शिक्षण विभागाचे उपसचिव अजित बाविस्कर यांच्या समितीने डॉ. चौधरी यांना दोषी ठरवले होते. आता परीक्षेच्या कामात महाराष्ट्र ज्ञान महामंडळ मर्यादितची (एमकेसीएल) निवड आणि विनानिविदा बांधकामांचे कंत्राट देण्यात आल्याचा निष्कर्ष समितीने सादर केलेल्या अहवालात नोंदवण्यात आला आहे.

आणखी वाचा

आमदाराच्या नावाने कंपनी मालकाकडे पैशांची मागणी

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

देवेंद्र फडणवीस यांच्या भाषणावेळी खुर्च्या रिकाम्या होण्यास सुरुवात

खोटी आश्वासने देऊन मतविभागणीचा काँग्रेसचा उद्योग, हरियाणाचे मुख्यमंत्री नायबसिंग सैनी यांचा आरोप

पिंपरी : चिंचवडमध्ये आमदारांच्या नातेवाइकांचा कंत्राटदार ‘पॅटर्न’; कोणी केला हा आरोप

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

खळबळजनक! खासदार बाळू धानोरकरांचा घातपात, आईच्या दाव्याने शंका कुशंका

पिंपरी : सहाशे रुपयांची लाच घेताना संगणक चालक महिला अटकेत

हेही वाचा >>>नागपूर: राष्ट्रपती द्रौपदी मुर्मू यांचा आज नागपुरात मुक्काम, कुठे- कुठे जाणार ?

यासोबतच विद्यापीठाच्या वतीने विविध विकास कामे करण्यात आली. हे करताना कंत्राट न काढता एकाच व्यक्तीला कामे देण्यात आल्याची तक्रार करण्यात आली होती. यावरही समितीने अहवालामध्ये ठपका ठेवला आहे. एकाच कंत्राटदारास दुसऱ्या इमारतीमधील काम विनानिविदा देण्यात आले आहे. सदर वित्तीय अनियमिततेबाबत सार्वजनिक बांधकाम विभाग यांच्याकडून अधिकची चौकशी होऊन संबंधिताविरुद्ध जबाबदारी निश्चित करण्यात यावी, अशा सूचना सार्वजनिक बांधकाम विभागाला देण्यात आल्या होत्या. त्यानुसार सार्वजनिक बांधकाम मंडळाचे अधीक्षक अभियंता यांनी आपला अहवाल सादर केला आहे.त्यामुळे कुलगुरू चौधरींच्या अडचणी वाढणार हे निश्चित आहे. यासंदर्भात विचारणा करण्यासाठी कुलगुरू डॉ. चौधरी यांच्याशी संपर्क साधला असता त्यांनी प्रतिसाद दिला नाही.

हेही वाचा >>>गुन्हेगारांच्या टोळ्या संपवून शहर अंमली पदार्थमुक्त करणार! गुन्हे शाखेचे पोलीस उपायुक्त मुमक्का सुदर्शन यांचा संकल्प

माहिती देण्यास टाळाटाळ

सार्वजनिक बांधकाम मंडळाचे अधीक्षक अभियंता यांनी चौकशी करताना विद्यापीठाच्या अभियांत्रिकी विभागाशी अनेकदा संपर्क साधला. तसेच त्यांना यासंदर्भातील माहिती मागितली. मात्र, ही माहिती देण्यास टाळाटाळ करण्यात आली. यामुळे सदर अहवाल तयार करण्यास विलंब होत असल्याचे ताशेरेही ओढण्यात आले आहे. शेवटी अनेक पत्रव्यवहारानंतर विद्यापीठाने ५ जून २०२३ ला अधीक्षक अभियंत्यांना माहिती दिली. त्यामध्ये विद्यापीठाची कामे ‘रूसा’ योजनेअंतर्गत विद्यापीठाला मिळाली होती. ही कामे ३१ मार्च २०२२ आधी पूर्ण करणे आवश्यक होते. त्यामुळे ती करण्यात आली असे कळवण्यात आले.