उपराजधानीतील तरुण-तरुणी पुन्हा हुक्का पार्लरच्या वाटेवर ! पोलिसांची पठाणी वसुली….

सध्या पोलीस आयुक्तांचे लक्ष्य सामाजिक कार्याकडे वळताच ठाणेदारांनी तपास पथकातील (डीबी) वसुलीबहाद्दर कर्मचाऱ्यांना सक्रिय केले. सर्व हुक्का पार्लर मालकांशी ठाणेदारांनी आणि गुन्हे शाखेच्या पथक प्रमुखांनी अर्थपूर्ण संबंधाची बोलणी केली आहे. त्यामुळे शहरात अनेक ठिकाणी नव्याने हुक्का पार्लर सुरु झाले आहेत. हुक्का पार्लरमध्ये उच्चभ्रू तरुण-तरुणी व बाहेरून शिकायला आलेल्या विद्यार्थ्यांचा मोठ्या प्रमाणात समावेश आहे. हुक्क्यासह ड्रग्सही उपलब्ध केल्या जात असल्यामुळे तरूणी ड्रग्सच्या व्यसनाधीन होत आहे.

हेही वाचा…वेकोलिच्या कर्मचाऱ्यांनी चोरले मृत वाघाचे अवयव; उकणी खाणीतील घटना, आरोपींना अटक

पोलिसांचे वसुली जोरात

एका पोलीस ठाण्यातील तपास पथकात काम करणारा अंकुश नावाच्या कर्मचाऱ्याकडे हुक्का पार्लरमधून वसुली करण्याची जबाबदारी आहे. साहेबांचे २० अन् माझे पाच, अशी धमकी देऊन अंकुश वसुली करतो. अनेकदा अंकुश दारुच्या नशेत हुक्का पार्लरमध्ये गोंधळ घालत असतो. अंकुशच्या कारनाम्याचे सीसीटीव्ही फुटेज सध्या प्रसारित होत असल्याची चर्चा आहे.शहरातील हुक्का पार्लरवर गुन्हे शाखेकडून वेळोवेळी छापे घातले जातात. ‘ड्रग्स फ्री नागपूर’ अभियान अंतर्गत कारवाई सुरु आहे. चोरून-लपून हुक्का पार्लर सुरु असतील तर कारवाई केल्या जाईल. राहुल माकणीकर, पोलीस उपायुक्त, गुन्हे शाखा.