प्रशांत देशमुख, लोकसत्ता
वर्धा: वैद्यकीय महाविद्यालयात प्रवेशासाठी आवश्यक ‘नीट’ परीक्षेच्या निकालाची इच्छुकांना प्रतीक्षा आहे. असे असतांनाच राष्ट्रीय वैद्यकीय आयोगाने देशभरातील ३८ वैद्यकीय महाविद्यालयाची मान्यता रद्द केली आहे. तर १०२ महाविद्यालयांना नोटीस बजावली आहे. त्यामुळे तीन हजार आठशे जागांचे काय, हा प्रश्न पुढे आला आहे.
‘नीट’ नंतर समुपदेशन होते. त्या प्रक्रियेत सुद्धा या महाविद्यालयांचा समावेश होणार की नाही, याबाबत अनभिज्ञता आहे. जुलै ऑगस्ट मध्ये समुपदेशन सुरू होणार असल्याच्या पार्श्वभूमीवर विद्यार्थ्यांची नावनोंदणी व अन्य प्रक्रियेस वेग येणार. मान्यता रद्द झाल्याचा त्यावर परिणाम होणार का, अशीही विचारणा होत आहे.
ही मान्यता काही अनियमिततेमुळे रद्द करण्यात आली आहे. तामिळनाडू, आसाम, गुजरात व अन्य काही राज्यातील ही महाविद्यालये आहेत. येथील दत्ता मेघे आयुर्विज्ञान उच्च शिक्षण संस्थेचे कुलगुरू डॉ.ललित वाघमारे हे म्हणाले की या महाविद्यालयांना तूर्तास कारणे दाखवा नोटीस बजावण्यात आली असून एक महिन्यात उत्तर द्यायचे असल्याचे ते म्हणाले.तर अन्य एका वैद्यकीय तज्ञाने प्रवेश प्रक्रियेवर परिणाम होणार नसल्याची शक्यता वर्तविली. यातील बरीच वैद्यकीय महाविद्यालये शासकीय आहेत. तिथे काय अनियमितता आहे हे सरकारला माहीत असणारच. त्यामुळे वेट अँड वॉच हेच योग्य ठरेल.
वर्धा: वैद्यकीय महाविद्यालयात प्रवेशासाठी आवश्यक ‘नीट’ परीक्षेच्या निकालाची इच्छुकांना प्रतीक्षा आहे. असे असतांनाच राष्ट्रीय वैद्यकीय आयोगाने देशभरातील ३८ वैद्यकीय महाविद्यालयाची मान्यता रद्द केली आहे. तर १०२ महाविद्यालयांना नोटीस बजावली आहे. त्यामुळे तीन हजार आठशे जागांचे काय, हा प्रश्न पुढे आला आहे.
‘नीट’ नंतर समुपदेशन होते. त्या प्रक्रियेत सुद्धा या महाविद्यालयांचा समावेश होणार की नाही, याबाबत अनभिज्ञता आहे. जुलै ऑगस्ट मध्ये समुपदेशन सुरू होणार असल्याच्या पार्श्वभूमीवर विद्यार्थ्यांची नावनोंदणी व अन्य प्रक्रियेस वेग येणार. मान्यता रद्द झाल्याचा त्यावर परिणाम होणार का, अशीही विचारणा होत आहे.
ही मान्यता काही अनियमिततेमुळे रद्द करण्यात आली आहे. तामिळनाडू, आसाम, गुजरात व अन्य काही राज्यातील ही महाविद्यालये आहेत. येथील दत्ता मेघे आयुर्विज्ञान उच्च शिक्षण संस्थेचे कुलगुरू डॉ.ललित वाघमारे हे म्हणाले की या महाविद्यालयांना तूर्तास कारणे दाखवा नोटीस बजावण्यात आली असून एक महिन्यात उत्तर द्यायचे असल्याचे ते म्हणाले.तर अन्य एका वैद्यकीय तज्ञाने प्रवेश प्रक्रियेवर परिणाम होणार नसल्याची शक्यता वर्तविली. यातील बरीच वैद्यकीय महाविद्यालये शासकीय आहेत. तिथे काय अनियमितता आहे हे सरकारला माहीत असणारच. त्यामुळे वेट अँड वॉच हेच योग्य ठरेल.
