गोंदिया: जिल्ह्यातील एकमात्र नावाजलेला पर्यटन स्थळ म्हणून ओळख असलेल्या नवेगावबांध राष्ट्रीय उद्यान चे देखरेख ची जवाबदारी पार पाडणारी संस्था नवेगावबांध फाउंडेशन च्या वतीने आज शनिवार ला गोंदिया – भंडारा चे खासदार सुनील मेंढे ला काळे झेंडे दाखविण्यात आले. त्यांच्या मालकीच्या बांधकाम कंपनी ने नवेगावबांध राष्ट्रीय उद्यानात केलेल्या गार्डनच्या कामाचे लोकार्पण न केल्याचा निषेध म्हणून नवेगाव बांध फाउंडेशन च्या वतीने आझाद चौक नवेगावबांध येथे काळे झेंडे दाखविण्यात आले.
या संदर्भात माहिती देत नवेगावबांध फाउंडेशन चे अध्यक्ष रामदास बोरकर यांनी सांगितले की नवेगाव बांध पर्यटन संकुल स्थळी सन २००३-०४ या आर्थिक वर्षात गार्डन व कॉन्फरन्स हॉल करिता कोट्यावधीचा निधी प्राप्त झाला सदर कामाचे कंत्राट भंडारा येथील सनी कन्स्ट्रक्शन ज्याचे मालक विद्यमान खासदार सुनील मेंढे हे आहेत असोसिएट अश्फाक अहमद यांच्या मदतीने सदर काम करायचे होते. २००८-०९ या कालीवतीमध्ये या कामाचं काम करण्यात आलं सदर काम करतेवेळी त्या कामात बऱ्याच तफावती आढदून आल्या होत्या. नवेगावबांध संघर्ष समितीच्या वतीने झालेल्या कामाचं लोकार्पण करा अन्यथा दोषींवर कारवाई करा एवढीच मागणी होती, आणि या मागणीला धरून नवेगाव बांध राष्ट्रीय उद्यान बचाव संघर्ष समितीचा अध्यक्ष या नात्याने लोकायुक्ता कडे दाद मागितले. यामध्ये लोकायुक्ताने गोदिया जिल्ह्याचे तत्कालीन दोन जिल्हाधिकारी व राज्याचे प्रिन्सिपल सेक्रेटरी यांना दोषी ठरविले.
हेही वाचा >>>एकशे दोन वर्षे जुन्या रुग्णालयाची वास्तू ठरतेय धोकादायक; डॉक्टर, कर्मचारी जीव मुठीत घेऊन देत आहेत सेवा
त्यावेळी आपण सदर कामाचे लोकार्पण करा किंवा दोषींवर कारवाई करा एवढी मागणी लावून धरली आणी खासदार सुनील मेंढे यांची भंडारा येथील शासकीय विश्रामगृहात भेट घेतली व त्यांना त्या गार्डनची डागडूजी करून त्याचे लोकार्पण करण्याची विनवणी केली परंतु वर्षा मागून वर्ष लोटून ही नवेगाव बांध येथील त्या गार्डनचे व कॉन्फरन्स हॉल चे लोकार्पण न झाल्याने या गोष्टीचा निषेध म्हणून नवेगावबांध या ठिकाणी आज शनिवार ला आझाद चौक नवेगाव बांध येथे खासदार सुनील मेंढे हे जलजीवन मिशनच्या कामाच्या भूमिपूजनासाठी आले असता आझाद चौक नवेगाव बांध या ठिकाणी त्यांना काळे झेंडे दाखवून त्यांचा निषेध करण्यात आले.
