नक्षलवादी चळवळीला हादरा; कमांडर रुपेश मडावी चकमकीत ठार…

पोलीस सूत्रांनी दिलेल्या माहितीनुसार, २३ सप्टेंबररोजी गडचिरोली जिल्ह्याच्या सीमेपासून जवळ असलेल्या सुकमा जिल्ह्यातील चिंतलनार पोलीस हद्दीत येणाऱ्या करकनगुडा, अबुझमाड जंगल परिसरात मोठ्या संख्येने नक्षलवादी असल्याची माहिती छत्तीसगड पोलिसांना मिळाली. यावरून डीआरजी, बस्तर फायटर आणि कोब्रा बटालियनच्या जवानांनी या परिसरात संयुक्त नक्षलविरोधी अभियान राबविले. दरम्यान, पोलीस आणि नक्षलवाद्यांमध्ये चकमक झाली. यावेळी दोन्ही बाजूने मोठ्या प्रमाणात गोळीबार करण्यात आला. ही चकमक जवळपास चार तास सुरु होती. घनदाट जंगलाचा फायदा घेत नक्षलवादी पळून गेले. चकमक स्थळी पोलिसांनी शोध घेतला असता रात्री उशिरा तीन नक्षलवाद्यांचे मृतदेह आढळून आले. २४ सप्टेंबरला सकाळी मृत नक्षलवाद्यांची ओळख पटवण्यात आली. यामध्ये रुपेश मडावी (४७) आणि जगदीश याचा समावेश आहे.

आणखी वाचा

सिडको अध्यक्षांच्या स्वागत फलकांनी बेलापूर विद्रूप; महापालिकेचे अतिक्रमणविरोधी पथक गप्प

Sharad Pawar : मविआचं सरकार आल्यास मंत्रिमंडळात कोण…

‘वंचित’कडून महाविकास आघाडी समर्थक विचारवंत लक्ष्य

वादग्रस्त वक्तव्याचे प्रकरण: जितेंद्र आव्हाडांविरोधात गुन्हा नोंदवण्याच्या मागणीचा पुनर्विचार करा,उच्च न्यायालयाचे ठाणे न्यायदंडाधिकाऱ्यांना आदेश

सेबी अध्यक्षांवर नव्याने आरोप;प्रतिसादशून्य मौनावरही ‘हिंडेनबर्ग’कडून प्रश्न

ईडीच्या तक्रारीवरून ‘रेलिगेअर’च्या कार्यकारी अध्यक्षांसह चौघांविरोधात गुन्हा, बर्मन कुटुंबाविरोधात खोटी माहिती दिल्याचा आरोप

बदलापूर घटनेच्या पार्श्वभूमीवर शालेय मुलांच्या सुरक्षेच्या चौकशीसाठी सात सदस्यीय समिती

पनवेल : शेकापचे जे. एम. म्हात्रे यांच्यावर वन विभागाकडून फसवणुकीचा गुन्हा दाखल

हेही वाचा – सावधान ! यवतमाळ शहराजवळ पट्टेदार वाघ फिरतोय

रुपेशवर ७५ लाखाचे बक्षीस

गेली २५ वर्षे गडचिरोलीच्या नक्षलवादी चळवळीत सक्रिय असलेला रुपेश अहेरी तालुक्यातील देचलीपेठा पोलीस हद्दीत येणाऱ्या शेडा या गावातील रहिवासी होता. त्याच्यावर खून, जाळपोळसह ७० हून अधिक गुन्हे दाखल होते. त्यांच्यावर तीन राज्यात ७५ लाखांहून अधिक बक्षीस होते. तर जगदीश नक्षल्यांचा माड एरिया तांत्रिक विभागीय समितीचा सदस्य होता. यातील महिला नक्षलवाद्याची ओळख पटलेली नाही.

हेही वाचा – नागपूर मेट्रोत तांत्रिक बिघाड, सेवा खंडित; प्रवाशांची गैरसोय

चळवळीला जबर हादरा

काही महिन्यांपूर्वी नक्षलवाद्यांच्या दंडकारण्य विभागीय समितीचा सदस्य आणि कंपनी दहाचा प्रमुख जहाल नक्षल नेता गिरीधर याने आत्मसमर्पण केल्यानंतर रुपेश मडावी याच्यावर चळवळीत महत्त्वाची जबाबदारी सोपविण्यात आली होती. गेल्या काही वर्षात पोलिसांनी केलेल्या कारवायांमध्ये गडचिरोली जिल्ह्यातील अनेक महत्त्वाचे मोठे नक्षल नेते ठार झाले. सोबतच गिरीधर सारख्या जहाल नक्षलवाद्याने सपत्नीक आत्मसमर्पण केले. त्यानंतर प्रभाकर आणि रुपेश या दोन जहाल नक्षलवाद्यांवर गडचिरोलीची जबाबदारी देण्यात आली होती. मात्र, रुपेश ठार झाल्याने नक्षलवाद्यांना मोठा हादरा बसल्याचे बोलले जात आहे. त्यामुळे आता गडचिरोलीत नक्षलवाद्यांच्या दंडकारण्य विशेष विभागीय समिती आणि कंपनी दहाची संपूर्ण जबाबदारी जहाल नक्षल नेता प्रभाकर स्वामी याच्याकडे आल्याची माहिती सूत्रांनी दिली आहे.