गडकरींकडून महाराष्ट्र पालथा

गेल्या दोन आठवड्यांपासून गडकरी निवडणूक प्रचार दौरे करीत आहेत. दररोज सरासरी सात सभांना संबोधित करतात. विदर्भ, मराठवाडा, उत्तर महाराष्ट्र, पश्चिम महाराष्ट्र, मुंबई असा जवळजवळ पूर्ण महाराष्ट्र गडकरी यांनी पालथा घातला.

हेही वाचा…चंद्रपुरात कॉंग्रेस उमेदवाराची स्वपक्षीय पदाधिकाऱ्यांकडून कोंडी? जिल्ह्यातील इतर जागांवर परिणाम होण्याची शक्यता

महाराष्ट्रातील विधानसभा निवडणुकीसाठी गडकरी हे भाजपचे स्टार प्रचारक आहेत. त्यानुसार ४ नोव्हेंबरला नागपूरमधून त्यांच्या सभांना सुरुवात झाली. पहिल्या दिवशी दक्षिण, पूर्व आणि मध्य नागपुरात त्यांच्या सभा झाल्या. त्यानंतर ७ ते १७ नोव्हेंबर या कालावधीत त्यांनी महायुतीच्या उमेदवारांसाठी नॉन स्टॉप जाहीरसभा घेतल्या. गडचिरोली ते मुंबई अख्खा महाराष्ट्र त्यांनी पालथा घातला. ९ नोव्हेंबरला तर कारंजा-घाडगे, पुलगाव, समुद्रपूर, वर्धा, हिंगणघाट आणि हिंगणा (बुटीबोरी) अशा सहा मतदारसंघांमध्ये एकाच दिवशी त्यांनी सभा घेतल्या. १५ नोव्हेंबरला एकाच दिवशी आठ मतदारसंघांमध्ये सभा घतल्या.या दिवशी आष्टी, कुरखेडा, नागभीड, उमरेड, कामठी, दक्षिण नागपूर, मध्य नागपूर व पूर्व नागपूर अशा आठ मतदारसंघांमध्ये त्यांच्या सभा झाल्या.

हेही वाचा…शिवराजसिंह चौहान म्हणतात राहुल गांधींकड विकासाचे कुठलेही व्हीजन नाही

समारोपाला चार सभा

१८ नोव्हेंबरला (सोमवार) प्रचाराचा शेवटचा दिवस आहे. सायंकाळी ५ वाजता प्रचार थांबणार आहे. अखेरच्या दिवशी गडकरी यांच्या चार सभा होणार आहेत. यातील दोन सभा गोंदियातील सडक अर्जुनी व तिरोडा येथे तर प्रत्येकी एक सभा आणि कामठीत एक व मध्य नागपुरातील गोळीबार चौकात आहे.