नागपूर: पंढरपूरच्या आषाढी यात्रेनिमित्त २५ जून ते ५ जुलै दरम्यान राज्याच्या विविध भागातून एस.टी.महामंडळाने सोडलेल्या ५ हजार यात्रा स्पेशल बसमधून संपूर्ण राज्यातून ८ लाख ८१ हजार प्रवाशांनी विठ्ठलाच्या दर्शनासाठी पंढरपुर गाठले. मागच्या वर्षीच्या तुलनेत ही संख्या २.५ लाखांनी अधिक आहे.
एस.टी.महामंडळाने यात्रेसाठी मुंबई, पुणे, नाशिक, छत्रपती संभाजीनगर, नागपूर, अमरावती या सहा विभागातून ५ हजार बसेच्या १७ हजार बसेस सोडल्या. त्यांच्या ५६६ फेऱ्यांमधून ०८ लाख ८१ हजार ६६५ प्रवाशांनी प्रवास केला. यातून महामंडळाला २७ कोटी ८८ लाखांचा महसूल मिळाला.
हेही वाचा >>>नागपूर: भ्रष्टाचाराचा कळस! अठरा लाख रुपये घेत परीक्षा केंद्र मालकानेच सोडवून दिले पेपर…
राज्य शासनाने दिलेल्या ज्येष्ठांना मोफत प्रवास व महिलांसाठी ५० टक्के सवलत या दोन योजनांमुळे यंदा प्रवाशी संख्या वाढली. त्यामुळे महामंडळाला मागील वर्षीच्या तुलनेत ७ कोटी ६९ लाख रुपयांचे उत्पन्न अधिक मिळाले. ही बाब एस.टी.वर प्रवाशांचा विकास दर्शवणारी आहे, असे एसटीचे व्यवस्थापकीय संचालक शेखर चन्ने म्हणाले
